Сонгуулийн хуульд өөрчлөлт орж, эмэгтэйчүүдийн квот нэмэгдэх сургаар хүүхнүүдийн идэвх ч сэргэж эхлэв. Мэ­дээж улс төрд, тэр тусмаа шийд­вэр гаргах түвшинд эмэг­тэйчүүдийн оролцоо бага байгаа энэ үед энэ нь сайн хэрэг. Гэтэл хараад байхад нөгөө л хэдэн амбицтай хүүхэн гүйгээд, хор найруулаад өөрсдийгөө маг­таад байх юм аа. Саяхан Ард­чил­сан намын хүүхнүүд  хуралдаж даргаа сонгов. Бөөн л хор явагдсан юм байх. Нөгөө л хор найруулдаг хуучин бур­хи хэдэн  хүүхэн өрсөлдөж, ши­нээр орж ирэх гэсэн залуу бүсгүйчүүдийг жийсэн нь нууц биш. Ц.Оюунгэрэл саяхан л Ерөнхийлөгчийн зөвлөх байж байгаад болилоо гэсэн. Дахиад л нэг албан тушаалд жин­хэ­нэ хор найруулж байгаад суув. Ардчилсан эмэгтэйчүү­дийн хол­бооны тэргүүн болсон нь энэ. МАХН-ын хүүхнүүд бас хуралдаж мөн л хор найруулд­гийн даваан дээр хурлаа хойшлуулав. Намын удирдлага нь их хурлын дараа хурлаа хий гэсэн юм байх. Энэ нь намын удирдлагад өөрчлөлт орвол эмэгтэйчүүдийн байгуулага нь бас тэдний фракцийн хүн байх учиртай гэсэн бичигдээгүй хуультай нь холбоотой биз.
МАХН-ын дэргэдэх Ардчил­сан социалист эмэгтэйчүүдийн холбоо даргаа бас солих гэж байгаа аж. Тэгэхээр түүний оронд хэн очих вэ гэдэг асуудал гарч ирж байгаа төдийгүй хүүхнүүдийн хооронд тулаан хэдийнэ эхэлж. Энэ тулаанд өрсөлдөгчдийг сонсоод бай­хад хөгийн юм их болох нь ээ. Ардчилсан нам ч тэр, МАХН ч тэр өөр хүүхэнгүй юм уу хаашаа юм бэ гэмээр. Хурал болохоор, нэр дэвших болохоор нөгөө л хэдэн хүүхэн сууж байх. Тэднээс өөр улстөрч эмэгтэй байхгүй гэх байх. Энд нэг зүйлийг онцлоход манай хүүхнүүд төрөлхийн атаач зангаараа нөгөө эмэгтэйгээ өөрөөсөө дээшээ гарчих вий хэмээн айж явдаг гэсэн. Энэ төрөлх шинжээрээ эрчүүдийн дор ордог гэм бий. Эрчүүд өөрийн залгамжлагчаа бэлтгэ­дэг бол хүүхнүүд хэзээ ч зал­гамжлагчаа бэлтгэдэггүй гэдэг үнэн байж болох. Ер нь өдгөө эмэгтэйчүүд улс төрд цөөн байгаа нь үүнтэй  холбоотой гэх юм билээ. Нууцгүй хэлэхэд парламентад сууж байгаа эмэг­тэйчүүд эмэгтэйчүүдийн кво­тыг өсгөх хуулийг дэм­жих­гүй байсаар өнөөг хүрсэн хэмээн эрчүүд цаанаа жуулам­зах нь гашуун үнэн.

Тун удахгүй МАХН-ын эмэгтэйчүүдийн байгуулла­га даргаа шинэчлэх болол­той. Гэтэл энд нөгөө л Д.Оюунхоро­лын нэр явж байна. Нэрийг нь дэвшүүлээд байгаа юм байхгүй, өөрөө л гүйгээд байгаа юм хэмээн шоглох хүн ч байгаа юм. Өөрөө ч бас нам итгэл үзүүлбэл би зүтгэнэ ухааны юм хэвлэлүүдэд ярилцлага өгөх­дөө ярьсан байгаа юм аа. АН-ын эмэгтэйчүүд гэхээр л Ц.Оюунгэрэл, В.Батцэцэг, МАХН-ынх болохоор л Д.Оюун­хорол, Д.Арвин нар гараад ирэх юм. Өөр өндөр болосвролтой, залуухан бүсгүйчүүд байхгүй юм шиг аашлахаа больцгоогооч. Д.Оюунхорол гэх эмэгтэй дээд сургуультайгаа “ашиглаж”, улс­төрчдийг эрдэмтэн болоход ту­салж, нэр хүнд олдог гэсэн яриа байдаг. Намынхаа эсрэг бие даан нэр дэвшиж намаасаа хөөгдөх шахаж явсан түүхтэй ч дараагийн сонгуульд нэр дэв­шихийн тулд МАХН-ын эмэг­тэйчүүдийн байгууллагын тэр­гүүн болохоор гүйж яваа түү­нийг хэн гэх вэ.

Т.БАЛДАН.

Зохиогчийн эрх: “Монголын мэдээ” сонин.