Бээжин хотноо болсон “Miss Friendship International” тэмцээнд Монгол Улсаа төлөөлөн Ц.Энхжин амжилттай оролцжээ. Тэрбээр тус тэмцээнд дөрөвдүгээр байрт шалгарч шилдэг тавт багтсан байна. Хоёр дахь удаагаа болж буй “Miss friendship International-2010” тэмцээнд нийт 55 орны 60 гаруй гоо бүсгүй өрсөлдсөн юм.

Монголын мисс Ц.Энхжингийн хувьд авьяас үзүүлбэр дээрээ үндэсний морин хуур хөгжмөө тоглосон нь шүүгчдээс өндөр үнэлгээ авчээ. Тэмцээний тэргүүн миссээр Өмнөд Солонгосын мисс Ha Gowun шалгарсан бол дэд миссээр Латвийн мисс Elina Grundane, удаахь байрт Японы мисс Ikeda Shizuka, гуравдугаар байрт ОХУ-ын мисс Юлья Илина, дөрөвдүгээр байрт Монголын мисс Ц.Энхжин тус тус шалгарчээ.

М.Дөл