Дэлхийн программ хангамжийн салбарт ноёрхогч Microsoft корпорацийн шуугиан тариад буй Windows Phone 7 смартфон ирэх долоо хоногт “амилах” гэнэ. Тус корпорацийн удирдлага ирэх долоо хоногт Нью-Йорк хотноо албан ёсоор хэвлэлийн хурал хийж, энэ үеэр эхний ээлжийн смартфонуудыг дэлгэрэнгүй танилцуулж, хэрэглэгчдэдээ өргөн барих ажээ.

Энэ сарын 11-нд буюу ирэх даваа гаригт болох хэвлэлийн бага хурлын талаарх мэдээллийг Microsoft албан ёсоор өнөөдөр өгсөн бөгөөд тус хурлын үеэр Microsoft-оос Windows Phone 7 смартфоныг үүрэн телефоны аль операторууд албан ёсоор худалдаалах талаар зарлахаас гадна тус гар утсыг анх удаа олон нийтэд дэлгэн харуулах юм.