Дорноговь аймгийн Засаг даргын тамгын газрын Хөгжлийн бодлогын хэлтэс сурталчлах сарын хүрээнд Байгаль орчин аялал жуулчлалын газраас “Цэцгийн баяр-2010” өдөрлөгийг 12 жилийн I, II сургууль болон МСҮТ-тэй хамтран зохион байгууллаа. Энэхүү арга хэмжээнд гурван сургуулийн 350 гаруй сурагч цэцэгтэй жагсаал хийж, I, II сургуулийн залуу байгальчид өөрсдийн хийж бүтээсэн ажлаа тайлагналаа. “Цэцгийн баяр-2010” өдөрлөгийн хүрээнд Аймгийн Засаг даргын 2009 оны 216 тоот захирамжийг биелүүлж орчин тойрноо цэцэгжүүлсэн Нэгдсэн эмнэлэг, Прокурор, Төмөр замын-IV анги, Барилга орон сууцны III анги , Гандирс групп, V цэцэрлэг, VIII цэцэрлэг, Хараацай цэцэрлэг, Номын сан, Их говийн соён ХХК-иуд шалгарлаа.