Иргэний хөдөлгөөнүүд эвсэж, Оюутолгойн техник эдийн засгийн үнэлгээг энэ долоо хоногт багтаан олон нийтэд хаалттай байдлаар хэлэлцэн батлах гэж буйтай холбогдуулан уг асуудлыг олон нийтэд нээлттэй хэлэлцэх, эрдэмтэн судлаачдын багийг оролцуулах зэрэг дөрвөн нэр бүхий шаардлагыг УИХ-ын дарга Д.Дэмбэрэлд өчигдөр хүргүүлсэн байгаа. Шаардлагыг хүлээж аваагүй тохиолдолд тэд УИХ-ыг тараах асуудлыг олон нийтээр хэлэлцүүлнэ хэмээн мэдэгдсэн бөгөөд өнөөдөр 11:00 цагаас эхлэн Сангийн яам, Эрдэс баялгийн яам, Байгаль орчин, аялал жуулчлалын яамны гадна нийтийг хамарсан эсэргүүцлийн жагсаал цуглаан зохион байгуулах юм. Нийт 20 орчим иргэний хөдөлгөөн, төрийн бус байгууллага, холбоод нэгдэж, энэхүү эсэргүүцлийн арга хэмжээг зохион байгуулж байгаа аж.