Д.Энхбатыг Францаас Бельги, Германы нутгаар дамжуулан хулгайлсан хэрэгт ҮАБЗ-ийн ажлын албаны дарга Б.Хурцыг буруутган Лондонд баривчилсан билээ. Тухайн үед  Монгол Улсаас ХБНГУ дахь элчин сайдаар  УИХ-ын гишүүн Д.Тэрбишдагва ажиллаж байсан юм. Харин тэрбээр Д.Энхбатыг Элчин сайдын яаманд хоргодуулж байсан гэх мэдээлэлд “хүчний байгууллага, дипломат байгууллагын үйл ажиллагаа хоорондоо ялгаатай. Д.Энхбаттай холбоотой хэргийг тухайн үед албан ёсоор надад танилцуулаагүй. Түүнийг баривчлаад явж байсныг сүүлд мэдсэн”  гэх тайлбарыг өгч байгаа. Түүнчлэн Д.Энхбатыг элчин сайдын яамны барилгын ажил ид явагдаж, олон хүн орж гарч  байх үед тус яамны  хонгилд тодорхой хугацаанд хоргодуулж байжээ.