“Ford Motor”-ын гүйцэтгэх захирал 2009 онд 17.9 сая ам.долларын цалин, урамшуулал авсан гэлээ | News.MN

“Ford Motor”-ын гүйцэтгэх захирал 2009 онд 17.9 сая ам.долларын цалин, урамшуулал авсан гэлээ

Хуучирсан мэдээ: 2010.03.24-нд нийтлэгдсэн

“Ford Motor”-ын гүйцэтгэх захирал 2009 онд 17.9 сая ам.долларын цалин, урамшуулал авсан гэлээ

Хэдийгээр эдийн засаг хямралтай, үндсэн цалинг бууруулж, бонус олгоогүй хэдий ч “Ford Motor”-ын гүйцэтгэх захирал Alan Mulally 2009 онд өмнөх оноосоо нэг сая ам долларын цалин илүү авсан байна гэж “CNN” агентлаг мэдээллээ. “Ford” компанийн хувьцааны үнэ өссөний ачаар Mulally захирлын цалин, урамшууллын багц 2009 онд өмнөхөөсөө зургаан хувиар өссөн байна.
Одоогоос жилийн өмнө, санхүүгийн хүндрэлтэй байдалд ороод байхдаа “Ford” компани захирлынхаа 2009, 2010 оны үндсэн цалин хоёр сая ам.долларыг 30 хувиар бууруулж 1.4 сая ам.доллар болгож байна гэж мэдэгдэж байсан. Гэсэн ч түүнд хувьцаа олгосон бөгөөд 2008 онд 100 мянган хувьцаа олгож байсан бол 2009 онд 851,235 ширхэг компанийн хувьцаа олгосон.
Даваа гаригт “Ford Motor” компаны хувьцаа гурван хувиар өссөн. 2008 оны сүүл үед Mulally захирал ажлаа авж, компанийн эдийн засгийг бэхжүүлснээс хойш тус компанийн хувьцааны ханш 500 хувиар өссөн. Тус компани нь “General Motors”, “Chrysler Group” нар дампуурлаа зарлаж, АНУ-ын Засгийн газраас санхүүгийн дэмжлэг авч байхад хямралын санхүүжүүлэлт авахгүй үлдсэн АНУ-ын цор ганц автомашины үйлдвэрлэгч компани юм.  “Ford” компани 1995 оноос хойш анх удаагаа зах зээлийн хэмжээгээ нэмэгдүүлсэн бөгөөд 2005 оноос хойш анх удаагаа 2009 онд ашигтай ажилласан байна.
Т.Бадрах

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

goe 2010-03-24 127.0.0.1

goe umaa

Avatar

badrakh 2010-03-24 127.0.0.1

iim tom kompany tegehgui geed yahin be

Avatar

no name 2010-03-24 127.0.0.1

lag yumoooooooooo

Avatar

ford 2010-03-24 127.0.0.1

uneheer l augaa brand yum aa ford unadag humuus setgel hangaluun bdag shuu yneheer bas tuhtai ayulgui baidalaaraa basdaasaa tasarhai gej boddiish dee

NewsMN Гар утасны хувилбар Татах
NEWS.mn

Мэдээллийн эх сурвалж