Баян-Өлгий, Ховд, Говь-Алтай, Завхан, Увс аймгуудын Газрын харилцаа, барилга хот байгуулалтын албатай хамтран Баруун бүсийн аймгуудын Орон нутгийн захиргаа, Нийтийн аж ахуйн байгууллага, Сууц өмчлөгчдийн холбооны удирдах ажилтан, ажилтны семинарыг онлайн-видео хэлбэрээр Боловсрол, соёл, шинжлэх ухааны яам, Шинжлэх, ухаан технологийн их сургуулийн Холбоо, мэдээллийн технологийн сургуулийн Алсын зайн сургалтын төв дээр саяхан зохион байгуулсан байна.

Энэхүү семинарын зорилго нь салбарын байгууллагуудыг цаг үеийн ажлын талаарх мэдээ мэдээллээр хангах, шинээр болон шинэчлэн боловсрогдож байгаа хууль, эрх зүйн баримт бичгүүдийн төслийг хэлэлцүүлэх, санал солилцох, салбарын байгууллагуудын үйл ажиллагаанд дэмжлэг туслалцаа үзүүлэх, урьдчилан хүргүүлсэн зарим эрх зүйн баримт бичгийн төсөлд тусгагдсан асуудлаар асууж тодруулах, санал солилцох явдал байсан байна. Семинарын үеэр хөндөгдсөн хүндрэл бэрхшээлтэй асуудлуудыг шийдвэрлэх зорилгоор зөвлөгөөнд оролцсон байгууллагуудтай хамтран хэрэгжүүлэх ажлын төлөвлөгөө гаргаж, ажиллахаар шийдвэрлэжээ.

Д.Цээнэ