Татварын ерөнхий газар /ТЕГ/, Монголын нягтлан бодох бүртгэлийн хүрээлэн /МНББХ/, “ЖАЙКА”-гийн сургалт төгсөгчдийн холбоо хамтран аймаг бүрт татвар төлөгчдөд зориулсан сургалт явуулж байгаа билээ. Энэ хүрээнд Өмнөговь аймагт болсон сургалтад МНББХ-ийн тэргүүн, Монгол улсын гавьяат эдийн засагч, Улсын шилдэг менежер, доктор, профессор Л. Дондог, ТЕГ-ын Татвар хураалтын хэлтсийн Татварын улсын байцаагч Мэргэшсэн нягтлан бодогч Ц.Алтанцэцэг, татварын улсын байцаагч Г.Энхжаргал нар “Татварын бүртгэл”, “ААНОАТ-ын тайлан гаргахад анхаарах асуудал, хөнгөлөлт, чөлөөлөлтийн тооцоо, төлөлтөд гарч байгаа алдаа, түүнээс арга зам”, “ХХАОТ, НӨАТ -ын тайлан гаргахад анхаарах асуудал, хөнгөлөлт, чөлөөлөлтийн тооцоо”, буцаалтын тооцоо, “Татвар төлөгчдөд учирч болох эрсдлүүд, түүнээс урьдчилан сэргийлэх нь” зэрэг сэдвүүдээр хичээл заасан байна. Уг сургалтад Өмнөговь аймгийн 15 сумын нийт 229 татвар төлөгч хамрагдсан бөгөөд татвар төлөгч нарыг сургалтад хамруулжээ.