Дорноговь аймгийн   ашигт малтмал , алт олборлож буй гол газар нутаг болсон Мандах, Сайхандулаан Алтанширээ, Даланжаргалан, Иххэт сумын засаг дарга, байгаль орчны байцаагч , мөн зарим багийн засаг дарга нар оролцсон “Бичил уурхайн хууль эрх зүйн орчин” сургалт  Айраг суманд боллоо.   Сургалтанд “Тогтвортой  хөгжил- уул  уурхай “ төслийн  зохицуулагч Р. Үржинлхүндэв, Аймгийн  ИТХ-ын дарга Г.Ганбаатар, Засаг дарга П.Ганхуяг нарын  албаны хүмүүс оролцож ашигт малтмалын  хуулийн нэмэлт өөрчлөлт,  бичил уурхайн өнөөгийн  байдал  цаашдын  төлөв,  байгаль орчныг хамгаалахад тулгамдсан асуудлаар ярилцаж зөвлөмж чиглэл өгч, харилцан мэдээлэл солилцлоо.

Ашигт малтмалын хуулийн шинэчилсэн өөрчлөлтөөр нинжа буйюу ганц нэгээрээ ашигт малтмал олборлохыг зогсоож ,нөхөрлөл, бүлэг байгуулж хамтын хариуцлага хүлээж ажиллах,  хувиараа ашигт малтмал олборлогчдыг нийгмийн даатгалд хамруулж тэдний  хөдөлмөрлөх  эрх ашийг хамгаалж нийгмийн асуудалд анхаарсан  нь  энэ  хуулийн өөрчлөлтийн  гол онцлог  гэдгийг онцолж байв. Газар нутгийнх нь  дийлэнх  хэсэг нь лиценз , тусгай зөвшөөрөлтэй гэгдэх энэ газарт   хэдхэн сарын өмнө газар нутгийн маргаанаас хүн амины хэрэг гарч  дуулиан тарьж байсан  Айраг суманд “Амин нутаг- Айраг” Хөдөлгөөн, “ Эх орон – Эв нэгдэл” хөдөлгөөн гэсэн хоёр Төрийн бус байгууллагууд үйл ажиллагаагаа  идэвхжүүлж  байгаа юм байна.