“Бөгжний эзэн” киноны гол дүрд тоглон, олны танил болсон жүжигчин Elijah Wood таван жил үерхсэн найз бүсгүйгээсээ салжээ. Тэрбээр “Gogol Bordello” хамтлагийн  бөмбөрчин Pamela Racine гэгч бүсгүйтэй 2005 оноос хойш дотно харьцаатай байсан аж.

Хосууд “Everything Is Illuminated” киноны зураг авалтын үеэр танилцсан ба хэвлэлийнхний хараанд өртөлгүй нам гүмхэн амьдарсаар иржээ. Тэдний салах болсон шалтгаан одоогоор тодорхойгүй байгаа ч эх сурвалжийн мэдээлснээр Elijah найз бүсгүйгээ гомдоосон гэнэ. Мөн тэрбээр найз бүсгүйгээсээ уучлалт гуйж, салахыг үнэхээр хүсэхгүй байсан ч Pamela Racine хатуу байр суурьтай байж, салах шийдвэрийг гаргасан тухай ярьсан байна.