Данийн элчин итгэмжлэх жуух бичгээ барьжээ | News.MN

Данийн элчин итгэмжлэх жуух бичгээ барьжээ

Хуучирсан мэдээ: 2010.09.30-нд нийтлэгдсэн

Данийн элчин итгэмжлэх жуух бичгээ барьжээ

Монгол Улсын Ерөнхийлөгч Ц.Элбэгдоржид Данийн Вант Улсаас Монгол Улсад суух Онц бөгөөд Бүрэн эрхт элчин сайд Фрийс Арнэ Петерсен итгэмжлэх жуух бичгээ өчигдөр өргөн барьсан байна.

Ерөнхийлөгч Ц.Элбэгдорж Итгэмжлэх жуух бичгээ өргөн барьсантай нь холбогдуулан элчин сайд Фрийс Арнэ Петерсенийг хүлээн авч уулзан хоёр орны харилцаа, хамтын ажиллагааны болон олон улсын тулгамдсан асуудлуудаар ярилцлаа.

Элчин сайд ярихдаа, Дани Улс Монголтой уламжлалтай сайн харилцаатайг дурдаад хөдөө аж ахуй, сэргээгдэх эрчим хүчний салбарт хамтран ажиллах өргөн боломж байгааг хэлэв. Дани Улс, Данийн хатан хааны гэр бүлтэй Монгол Улс уламжлалт найрсаг харилцаатайг Ерөнхийлөгч Ц.Элбэгдорж дурдаад, Даниар дамжуулан тус улсын Засгийн газрын  үзүүлсэн тусламж монголын ардчилал, хэвлэлийн эрх чөлөөг бэхжүүлэх, боловсрол, эрчим хүчний салбарын өөрчлөлтөд чухал үүрэг гүйцэтгэснийг онцлон тэмдэглэв.

 Дани Улс газар тариалан, мал аж ахуйн салбарт арвин туршлагатайг дурдаж, хүнсний үйлдвэрлэлийн чиглэлээр хамтын ажиллагаагаа эрчимжүүлэхийг сонирхож байгаагаа Ерөнхийлөгч мэдэгдлээ. Мөн тогтвортой хөгжил, сайн засаглалыг хөгжүүлэх, уур амьсгалын өөрчлөлтийг бууруулах чиглэлээр олон улсын тавцанд хамтран ажиллах хүсэлтэйгээ илэрхийлжээ.

Б.Мандах

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

www.freecall.mn 2010-09-30 202.170.67.217

Сайн байцгаана уу Манай Компани та бүхэнд дэлхийн 200 гаруй оронруу маш хямд үнээр ярьж
болох Freecall Картыг санал болгож байна холбоо барих утас 11350550

NewsMN Гар утасны хувилбар Татах
NEWS.mn

Мэдээллийн эх сурвалж