Ерөнхийлөгч Баян-Өлгий аймагт ажиллаж байна | News.MN

Ерөнхийлөгч Баян-Өлгий аймагт ажиллаж байна

Хуучирсан мэдээ: 2010.03.23-нд нийтлэгдсэн

Ерөнхийлөгч Баян-Өлгий аймагт ажиллаж байна

Баян-Өлгий аймгийн хаваржилтын байдалтай танилцаж, иргэдтэй уулзан, казах түмний баяр-Наурызд оролцохоор тус аймгийг зорьсон Монгол Улсын Ерөнхийлөгч Ц.Элбэгдорж  Өлгий хотод өчигдөр хүрэлцэн очсон билээ. Ерөнхийлөгчийг Өлгий хотын нисэх онгоцны буудалд цэргийн хүрээний хүндэт харуул угтаж, орон нутгийн удирдлага болон нутгийн иргэд үндэсний заншлаар угтаж авсан бөгөөд очсон даруйдаа тэрбээр орон нутгийн удирдлагуудтай уулзаж, цаг үеийн байдалтай танилцсан байна.  Ерөнхийлөгчийг дагалдан, ЕТГ-ын дарга Д.Дорлигжав, УИХ-ын гишүүн  Х.Жекей, Х.Баделхан, Б.Батбаяр , Сангийн дэд сайд Т.Очирхүү нар тус аймагт ажиллаж байгаа юм.

Зундаа хур бороо ховордож, өвсний  гарц муудан, намар эртнээс хүйтэрсний улмаас хүндхэн өвөлтэй тулсан аймгуудын нэг бол Баян-Өлгий билээ. Өнөөдрийн байдлаар нийт 85 мянган мал хорогдоод байна. Онцгой байдлынхны дүгнэснээр, одоо нэг сум гамшгийн, гурван сум зудын байдалтай хаваржиж байна.

“Олон жил Төр засгийн удирдлагуудад тавьж байгаа  гурван  хүсэлт бидэнд байдаг.  Энэ удаад ч мөн Ерөнхийлөгч танд дуулгаж байна” гэж аймгийн засаг даргын орлогч Ш.Сериктес хэлээд, дараах хүсэлтийг тавьжээ. Тэрбээр “Юуны өмнө, ОХУ-ын хилийн дагуу 62 км яваад Казахстан хүрдэг байсан  Хөх эргийн боомтыг сэргээж, ашиглалтанд оруулах, мөн Улаан-Уул –Даянгийн боомтыг байнгын ажиллагаатай болгон, Даянгаас Улаанбайшинтын боомт хүрэх 210 км замын хөрөнгө оруулалтын асуудлыг шийдвэрлэж өгөхийг хүслээ. Мөн сүүлийн хэдэн жил яригдаж байгаа баруун бүсийн нэмэгдлийн асуудлыг шийдвэрлэхэд дэмжлэг үзүүлэх”-ийг хүссэн юм. 

Ерөнхийлөгч Ц. хэдийгээр баяр наадам болж байгаа ч, Баян-Өлгий аймгийн хаваржилтын байдалтай газар дээр нь танилцахаар Буянт, Сагсай сумдад ажиллах төлөвлөгөөтэй байгаагаа ярианыхаа эхэнд хэлээд тавьж байгаа  асуудлуудыг нааштайгаар шийдвэрлүүлэхийн тулд Засгийн газар, Их хуралтай хамтарч ажиллана гэлээ. “Хөх эргийн боомт бол бензин түлш, болон хүнс хөдөө аж ахуйн бараа бүтээгдэхүүн ОХУ-аас орж ирэх хамгийн дөт зам юм. Хөрш орнуудтайгаа ярилцаад, боомтуудын асуудлыг хязгаар нутгийн иргэдэд өгөөжтэй байдлаар шийдэх хэрэгтэй.

Саяхан намайг баруун аймгуудад ажиллахад уулзалт бүр дээр баруун бүсийн нэмэгдлийг олгож өгөх, мөн баруун бүсэд татварын хөнгөлөлт үзүүлэх гэх зэрэг хүсэлт тавьж байлаа. Энэ бол үнэхээр хугацаа алдалгүй шийдвэрлэх ёстой асуудал мөн. Хэсэг УИХ-ын гишүүд энэ тухай хууль санаачлан өргөн барьсан. Би энэ хуулийг бүх талаар дэмжиж байгаа” гэж Ерөнхийлөгч ярилаа. Тэрээр мөн төрийн захиргааны байгууллагын удирдлагуудад хандаж захиас хэлсэн байна. “Төрд ажиллаж байгаа та бүхэн иргэдэд хүнд сурталгүй үйлчилж, иргэний эрх ашгийг нэгдүгээрт тавьж байгаарай гэж би үргэлж захьдаг. Иргэн байгаа учраас төр засаг байгаа гэдгийг ямагт санаж ажиллаарай” гэлээ.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2010-03-23 127.0.0.1

ene amisgaa dandaa bayr naadam nair bolj bga gazar yavj bhiim da aygui bol hovd orchood zamaaraa bas yaj zugeer bhav geed teruger neg orood garsan ner zuuh gej bga biz

Avatar

KKK 2010-03-23 127.0.0.1

Ерөнхийлөгч Ц хэдийгээр баяр наадам болж байгаа ч gej hen be

Avatar

Bi archaagui 2010-03-23 127.0.0.1

Өмнөд солонгос эрчүүдтэй гэрлэх камбожи эмэгтэйчүүдийг бүртгэх ажлыг түр зогсоох шийдвэрийг Камбожийн Засгийн газар гаргажээЭнэ нь хүний наймаанаас сэргийлэх зорилготой гэж Камбожийн ГХЯ мэдээлсэн байна Бүртгэлийн ажлыг түр хугацаагаар хойшлуулсан талаар Камбожийн Засгийн газар Пномпень хот дахь Өмнөд Солонгосын ЭСЯ-д мэдэгджээ Камбожи эмэгтэй хотоос зайдуу бүс нутгийн 25 охиныг өмнөд солонгос эрэгтэйд зуучлан хүний наймааны золиос болгохыг завдсан учир түүнд 10 жил шоронд хорих ял оноожээ Энэ хэргийг шүүн тасалснаас хойш нэг өдрийн дараа буюу гуравдугаар сарын 5-наас гадаадын иргэнтэй гэрлэлтээ батлуулах ажлыг зогсоосон байна Ёнхап агентлагийн мэдээлснээр гадаад хүнтэй суусан камбожи эмэгтэйчүүдийн 60 хувь нь өмнөд солонгос хүнтэй гэрлэжээ Камбожийн Засгийн газар 2008 онд дээрхийн адил шийдвэр гаргаж байсан ч найман сарын дараа шийдвэрээ цуцалж байжээ

СОтгонбаяр

NewsMN Гар утасны хувилбар Татах
NEWS.mn

Мэдээллийн эх сурвалж