Увс аймгийн Баруунтуруун суман дахь хилийн 0311 дүгээр ангийн хариуцсан хэсгээр гуравдугаар сарын 13-нд   морьтой дөрвөн хүн 50 гаруй бог мал тууж хил давуулаад нутгийн гүн рүү зугатсан зөрчлийг илрүүлэн, хоёр  хүнийг сэжигтнээр саатуулан шалгаж байгаа ажээ. Мөн гуравдугаар сарын 11-ний өдөр Сүхбаатар аймгийн Онгон сум дахь хилийн 0184 дүгээр ангийн хариуцсан хэсгээр  хүчтэй цасан шуурганы улмаас 1044 толгой мал улсын хилд тулж ирснийг тогтоон эздэд нь хүлээлгэн өгсөн байна.