Шувууны ньюкасл өвчин Нионшель ХХК-ны аж ахуйд халдварласнаар 4800 гаруй тахиаг устгасан юм. Эдгээр устгалд оруулсан тахианы нөхөн олговор болгож Нионшель ХХК-д 58 сая төгрөг олгох ёстой гэж мэргэжлийн байгууллагынхан дүгнэлт гаргасан байна. Ажлын хэсгийхэн дээрх хөрөнгийг Засгийн газраас гаргах саналаа дүгнэлтийн хамт хүргүүлсэн байна. Харин Засгийн газрын зүгээс тус компанид халдварласан ньюкасл вирус хаанаас үүдэлтэй, өвчтэй өндөг нийлүүлсэн компанийг олж тогтоож хариуцлага хүлээлгэх ёстой гэж үзсэн аж.