Дорноговь аймгийн Хатанбулаг сум дахь Сулинхээрийн хилийн отрядын дарга асан хурандаа Б.Батболд хүний амь нас бүрэлгэсэн гэх хэргийг Хан-Уул дүүргийн шүүхэд хэлэлцэхээр болсон байна. Өнгөрсөн сард Дорноговь аймгийн сум дундын шүүхэд хоёр ч удаа товлогдож хойшилсон шүүх хурлыг  ар гэрийнхэн нь  Улсын Дээд шүүхэд хүсэлт тавьснаар ийн харьяалал тогтоож тус дүүрэгт шилжүүлсэн байна. Уг хэрэгт сэжигтээр татагдсан хурандаа Б.Батболд нь 2009 онд хилийн отрядын дарга байхдаа  дэслэгч Д.Булганыг зодож, хүнд гэмтээсний улмаас амийг нь хохироосон гэх хэрэгт холбогдсон юм.