Грек Германыг хямрал хүндрүүлж байгаад буруутгаж байна.

Хуучирсан мэдээ: 2010.03.23-нд нийтлэгдсэн

Грек Германыг хямрал хүндрүүлж байгаад буруутгаж байна.

Грекийн зээлийн хямрал шинэ шатанд гарч байгаа бололтой. Тэд тусламж хүлээж суухаас гадна хямрал даамжирч байгаа бурууг еврозоны орнуудад тохож байгаа ба нэн ялангуяа Герман Грекийн эдийн засаг сэргэхэд саад хийж байна гэж буруутгаж байна гэж “Reuters” агентлаг мэдээллээ.
Эхлээд Грекийн Ерөнхий сайд George Papandreou /зурган дээр баруун гар талд байгаа нь/ үүнийг илэрхийлсэн. Тэрээр валютын наймаа хийгчид зээллэгийн зардлыг илүү өндөр болгож байгаа нь түүний алдагдал бууруулах гэсэн хөтөлбөрийн үр дүнг бууруулж байна гэж мэдэгдсэн. Папендроу зөөлөн зантай хүн тул түүний цухалдаж байгаагийн цаана тодорхой шалтгаан байгаа бололтой.
Харин дэд ерөнхий сайд /зүүн талд/ Theodoros Pangalos хурц зантайгаараа алдартай. Тэрээр саяхан банкууд нь Грекийн бондоор тоглож, эдийн засгийг нь шавартай хутгаж байхад Германы Засгийн газар юу ч хийхгүй байна, учир нь Грекийн эдийн засаг нурах Германд ашигтай байгаа бололтой гэсэн хурц мэдэгдэл хийсэн байна. Пангалос дипломатч бус, хурц зангаараа алдартай. Өмнө нь тэр Германыг хүүхдийн тархитай аварга биет гэж буруутгаж байсан бол нэг удаа Францын өмнөх ерөнхийлөгчийг Туркуудтэй гэрээ байгуулахын тулд өмнө нь тайчиж бүжиглэж байна гэж хэлж байсан удаатай.
Ноён Пангалосын хэлснийг хэтрүүлэгтэй үг гэж ойлгож болно. Харин хоёул хоёулаа хамтран Грекийн эдийн засгийн талаар ярьсныг үнэний хувьгүй гэхэд хэцүү юм.

NewsMN Гар утасны хувилбар Татах
NEWS.mn

Мэдээллийн эх сурвалж