Монголын ахмадын өдрийг тохиолдуулан Ардчилсан намаас нөгөөдөр ахмадуудаа хүлээж авахаар болжээ. Тэд Ардчилсан хувьсгалын 20 жилийн ойг тохиолдуулан, нөгөө талаар ахмадын баярын өдрийг хүндэтгэн  ардчиллын үйл хэргийг бэхжүүлэхэд үнэтэй хувь нэмрээ оруулсан 800 ахмадыг хүлээн авч уулзан,  санаа оноог нь сонсохоос гадна ахмадууддаа зориулсан урлагийн тоглолт үзүүлэхээр бэлтгээд байгаа аж.  Тус нам өнгөрсөн жилийн ахмадын баяраар Төрийн ордонд 800 ахмадыг хүлээж авсан бөгөөд энэ жил уламжлал ёсоор мөн тооны ахмадыг хүлээж авахаар төлөвлөжээ. Харин энэ удаагийн хүндэтгэлийн арга хэмжээгээ  Үйлдвэрчний соёлын төв ордонд зохион байгуулахаар болсон байна. Хэдийгээр ахмадын баярын өдөр намын дарга байхгүй , гадаадад томилолтоор яваа ч Ерөнхий нарийн бичгийн дарга ажилдаа орсоноор ардчиллын үйл хэргийн төлөө ажил үйлс амь амьдралаа даатгасан ахмадуудаа уламжлал ёсоор хүлээн авахаар болсон нь энэ аж.

Г.Дарь