Халуун залуу насандаа эх орноо хамгаалах баатарлаг үйлсэд зүтгэж байсан өвгөн буурал Байлдааны гавъяаны улаан тугийн одонгоор энгэрээ мялаалаа. Өдгөө 93 насыг зооглож буй буурай Ж.Цэвээн гуай Сүхбаатар аймгийн Мөнххаан суманд энх тунх амьдарч байна. Хоёр дайнд оролцсон Ж.Цэвээн гуайд дээрх шагналыг Чөлөөлөх дайны 65 жилийн ойн хүрээнд олгож буй нь энэ аж. Түүний шагналыг Сүхбаатар аймгийн ИТХ-ын дарга, Д.Шижирбаатар, Цэргийн хэлтсийн дарга , хурандаа Б.Энхболд нар өчигдөр гардууллаа.

Сүхбаатар аймагт өдгөө 16 ахмад дайчин амьд сэрүүн байдаг бөгөөд Байлдааны гавъяаны улаан тугийн одонтой хүн Ж.Цэвээн гуайгаас өөр байхгүй.