Хэдхэн хоногийн өмнө зохиогдсон “Miss Mongolia 2010” тэмцээний дэд миссийн титмийг хүртсэн Т.Батцэцэг “Мисс краса” тэмцээний нэгдүгээр байрт шалгарч, “Мисс байкала” өргөмжлөл, эрдэнийн титмийн эзэн болжээ. Энэхүү тэмцээн нь ОХУ-ын Улан-Үд хотод энэ сарын 25-нд болсон бөгөөд манай улсаас мисс Б.Гэрэлчулуун, Т.Батцэцэг, Б.Саруул болон загвар өмсөгч Н.Алтанзул, Т.Буджаргал нар оролцсон байна. Тэднээс Б.Гэрэлчулуун “Төгс төгөлдөр мисс”, Т.Буджаргал “Мисс модель” өргөмжлөл хүртсэнээр манай бүсгүйчүүд гоо сайхны уралдаанаас ганзага дүүрэн иржээ.
Н.Наран