Хэрэв та хадамтай  бол хадам ээж хэлэх гэснээсээ огт зүйл ярьдаг гэдгийг мэдэх байх.  Энэ бол нэг төрлийн  өвөрмөц  хэл шүү.  
Та түүний хүүтэй гэрлэсэн цагаасаа хойш энэ хэлний ялгааг олж харах болно.  Нөхрөө хайрла, хоолоо ид, залбир. Энэ бол итали эмэгтэйн гэр бүлээ авч үлддэг зарчим.

Та юу ч гэж хэлсэн, юу ч хийсэн хадам ээжид тань таалагдахгүй.  Тэгээд яах болж байна гэж үү?  Нөхөр чинь ээжинхээ талд байх болов уу эсвэл таны талд уу?  Таны нөхөр ухаалаг  шийдвэр гаргадаг нэгэн бол санаа зоволтгүй.  Харин хадам ээж тань энэ хорвоогоос орхих хүртлээ бүхнийг өөрийнхөө санаагаар байлгах гэж хичээсээр байх болно.  Гэвч нэг л зүйл үнэн. Хадам ээж тань хүүдээ сексийн таашаал өгч, хүүхдийг чинь өсгөж, тэдэнтэй хамт өтлөхгүй.  Тиймээс та хадам ээжтэйгээ учраа ололцохоос өөр замгүй.  Тэгвэл түүний хэлийг сурах гээд үзвэл ямар вэ?

Хадам ээж : “Хүү маань улам л тураад байх юм?  Тэр одоо дасгал хийгээд байгаа юм уу?” 

"Тааруухан эзэгтэй минь  чи  хүүг минь  турааж алах гээ юу ?

Хадам ээж:   " Охин минь чи үсээ засуулаа юу? Бас энэ чинь шинэ цамц уу?"

"Миний хүүгийн зовж байж олсон мөнгийг үрдэг чи хэн юм бэ?  Мөнгөний үрлэг"

Хадам ээж: " Хүүхдүүд өдөр өнжүүлэхэд явж байгаа сурагтай.  Олон найзуудтай болж байгаа байлгүй  дээ?"

 "Хүүхдээ өдөр өнжүүлэхэд өгч байдаг.  Гэртээ хүүхдээ хараад сууж байхад юу нь болохгүй байна аа? "

Хадам ээж: " Би хажуугаар өнгөрч яваад  дайраад оръё гэж бодлоо. Цай хэрэггүй. Би яарч байна."

" Би чамайг савангын дуурь үзээд гэртээ хэвтэж байгаа гэдгийг мэдсэн юм аа. Гал тогоо  гэж авах юм алга. Би яаж ийм байхад цай уух юм бэ? Ямар бэр гэхээрээ ийм байдаг байна аа ?"

Хадам ээж:  " Сахилгагүй хүүхдүүд. Ханаар нэг зураг зурчихсан."

"Чи хүүхдүүдээ хүмүүжүүлдэггүй юм уу? Гудамжны хүүхэд шиг замбараагүй байж байгааг нь"

Хадам ээж: "Би хоолны жортой ном авчирлаа."

"Тарган үнээ. Хэрэв чи жирэмсэн байхдаа тэгж их иддэггүй байсан бол ийм байхгүй шд "

Хадам ээж: " Хүүхдүүд их том болжээ. Бүр танигдахгүй болж.”

“ Ач нарыг минь авчираад ч уулзуулчихгүй. Яагаад надаас харамлаад байдаг юм бол? Би удахгүй үхээд өгнө.  Маргааш ч унаад өгөхийг хэн мэдлээ. Энэ хүүхдүүд намайг бараг танихгүй өсч байна"

Хадам ээж: " Сузи намайг эртээр нэг гоё ресторанд оруулаад. Яагаав чиний дандаа очдог байсан.

“ Амиа бодсон амьтан. Хадам ээжийгаа огт тоохгүй”

Хадам ээж: " Чиний өгсөн бэлэг их гоё юм. Саяхан би дэлгүүрт явж байгаад харлаа. Сонголт сайтай юм аа"

"Хямдхан л эд байна лээ. Сонголт муутай, нарийн хүүхэн"

Хадам ээж: " Би хүүхдүүдээ дэрсхэн өсөөсэй гэж бодсондоо ойр ойрхон төрүүлсэн. Хүү чинь одоо хоёр ойтой бол сайн ах болно биз"
"Хүүхэд төрүүлдэггүй юм уу хаашаа юм. Хүүгийнхээ хөвгүүдийг би хармаар байхад"

О. Халиун