Монголын хөнгөн атлетикийн холбоо үүсч байгуулагдсаны түүхт 50 жилийн ой энэ амралтын өдрүүдэд тохиосон билээ. Ойн арга хэмжээтэй давхцан Германы нийслэл Берлин хотноо дэлхийд зэрэглэлээрээ тавдугаарт ордог “Берлин-2010” марафон гүйлтийн тэмцээн болсон юм. Уг тэмцээнд нийт 40 000 тамирчин мандат авснаас 35000 тамирчин барианд орсон байна. Үүнээс Монгол Улсын хөнгөн атлетикийн Үндэсний шигшээ багийн тамирчин Б.Сэр-Од аравдугаар байранд оржээ. Энэ тухай мэдээллийн Монголын хөнгөн атлетикийн холбооны гүйцэтгэх захирал бөгөөд Ерөнхий нарийн бичгийн дарга Ч.Зоригтбаатараас тодруулахад “Энэ сарын 26-нд “Берлин-2010” марафон гүйлтийн тэмцээн болсон бөгөөд манай тамирчин Б.Сэр-Од аравдугаар байранд шалгарсан нь том амжилт юм. Түүнээс гадна Монгол улсын марафоны дээд амжилтыг 2 минутаар ахиулж чадсан нь холбоо байгуулагдсан түүхэн ойдоо барьж буй хамгийн том бэлэг байлаа” гэв.
“Берлин-2010” тэмцээний тэргүүн байрыг Кенийн тамирчин Patrick Makau эзэлсэн бөгөөд тэрбээр 02 цаг 05 минут 08 секунтын амжилт гаргасан байна. Харин эмэгтэйчүүдийн тэргүүн байранд 21 настай Этопийн тамирчин Kebede Aberu 2 цаг 23 минут 58 секунтын амжилт үзүүлсэн байна.
Монгол Улсын хөнгөн атлетикийн Үндэсний шигшээ багийн тамирчин Б.Сэр-од 02 цаг 12 минут 42 секунтын амжилтаар Монгол улсын рекорд амжилт дахин шинэчлэн тогтоосон байна.
Та бүхэнд “Берлин-2010” тэмцээний эрэгтэй, эмэгтэй эхний 10 байр эзэлсэн тамирчдын амжилтыг хүргэж байна.

Эрэгтэй
1.    Makau, Patrick (KEN) 02:05:08
2.    Mutai, Geoffrey (KEN) 02:05:10
3.    Worku, Bazu (ETH) 02:05:25
4.    Tsegay, Yemane (ETH) 02:07:52
5.    Kiptanui, Eliud (KEN) 02:08:05
6.    Kipyego, Bernard (KEN) 02:08:50
7.    Abraham, Tadese (ERI) 02:09:24
8.    Yegon, Gilbert (KEN) 02:10:34
9.    Fujiwara, Masakazu (JPN) 02:12:00
10.    Bat-Ochir, Ser-Od (MGL) 02:12:42

Эмэгтэй
1.    Kebede, Aberu (ETH) 02:23:58
2.    Bekele, Bezunesh (ETH) 02:24:58
3.    Morimoto, Tomo (JPN) 02:26:10
4.    Mockenhaupt, Sabrina (GER) 02:26:21
5.    Burkovska, Olena (UKR) 02:28:31
6.    Pirtea, Adriana (ROM) 02:30:15
7.    Da Silva, Adriana (BRA) 02:32:30
8.    Maxwell, Tanith (RSA) 02:32:33
9.    Stublic, Lisa (CRO) 02:33:42
10.    Gortel, Agnieszka (POL) 02:34:47

Хэрэгтэй зураг болон бусад мэдээллийн уг сайтаас авах боломжтой.

http://runinfinity.com/berlin-marathon-results