Би ер нь нэлээн хожуу хүнтэй үерхэж үзсэн хүн юм шүү дээ. Энэ
одоо миний номын санч царайтай байсны илрэл юм болов уу даа. Гэхдээ
намайг залуу байхад банди нар "Хоёулаа үерхье, тэгэх үү?" гээд л аймаар
хөөрхөн асуудаг байсан байхгүй юу. Тэгэж хэлэнгүүт нь шууд "Тэгье" гэж
зөвшөөрч болохгүй. "Би бодож байгаад хэлье" гэж заавал хэлэх ёстой. Энэ
одоо нэг ёсны эмэгтэй хүний өөрийгөө үнэлэх нэг хэлбэр юмдаг уу даа. Ер
нь ингэж хэлэх ёстой гэсэн уламжлал ч байдаг юм уу. Ямар ч байсан л
ингэж эхлээд хэлдэг байсан юм, тэгээд 2, 3-н хоног мангар гүрийлттэй
бодож байгаа дүр үзүүлнэ. Яс юман дээрээ "Хоёу….. "гэхэд нь л
"Аанхаан, тэгье" гэж дотроо хэлчихсэн байдаг байсан байхгүй юу. Тэр цаг ч
сайхан байж дээ, ямар элдвийн гүнзгий шатны харилцаа гэж байх биш,
дургүй хүрвэл салаад л…дуртай банди нартайгаа болзоод л…