Завхан аймгийн V цэцэрлэгийн хувьд 1976 онд ашиглалтанд орж, 2002 онд цэвэр бохир усны шугаманд холбогдсон байдаг аж. Уг цэцэрлэгт энэ онд улсын төсвөөс хуваарилсан 50сая төгрөгөөр хичээлийн шинэ жилээс өмнө дээвэр  гал тогоо, гадна талын засал чимэглэл зэрэг засварын ажлыг хийж гүйцэтгэжээ. Мөн зөвхөн улсын хөрөнгө харалгүй  204 хүүхдийг хүмүүжүүлдэг 24 багш болон эцэг эхчүүдийн хандив тусламжаар тохь тухтай орчин бүрдүүлэх үүднээс хайсны суурь, усан оргилуурыг өөрсдийн хүчээр бий болгожээ.