МАХН-ын гишүүн уншихыг хориглоно | News.MN

МАХН-ын гишүүн уншихыг хориглоно

Хуучирсан мэдээ: 2010.09.27-нд нийтлэгдсэн

МАХН-ын гишүүн уншихыг хориглоно

Улстөрчдийн тархиа амраах нэг хэрэгсэл бол­сон улс төрийн сэдэвт анекдотоор эхлэе. “Энхбаяр өөрийн хөрөг рүү харснаа санаа алдан “Чи бид хоёрыг ч удахгүй хусах нь дээ” гэхэд хөрөг урдаас  нь “Боль доо. Чамайг л хусч хаяна. Намайг бол ордны хонгилд дүүжилнэ” гэсэн гэдэг. Манайхны марзагнал мэт боловч үнэн юм.

Н.Энхбаяр үнэхээр “Тө­рийн ордны хонгилд” дүүж­лүүлээд л үлдэж  чадахгүй  билээ. Зүгээр суухгүй гэдгээ ч хэвлэл, мэдээллээр хэлсэн. Тэр­бээр эхний үед фокусаа намын экс дарга С.Баяр руу чиглүүлж байсан. Гэвч ийм аргаар удаан хол явахгүйгээ ухаарч хүссэн хүсээгүй С.Батболд руу аажмаар довтолж эхлэв. Түүний үйл ажил­лагаа олон нийтэд таалагдаж буйг мэдэрч улаан нүүр рүү нь галлаад байж чадсангүй. Гэтэл МАХН-ын дарга, Ерөнхий сайд С.Батболд намынхаа тухай часхийсэн хэдэн үгийг телевиз, сонин хэвлэлээр дүүрэн цацчихаад гадаад томилолт өвөртлөөд яваад өглөө. Харин ар хударгаар нь тус намын харьяалалтай, улс төрийн “балархай эгшгүүд” дуурийн театрт бут авав.

“Чоно борооноор” гэгчээр намын даргыг эзгүйчлэн урлагийн сүмийг улс төрийн талбарт ашигласан энэ ажлыг өнгөн талаас нь харахад намын дотоод ардчилал мэт. Гэвч цаанаа бол сонгуулийн өмнө намын Их хурлын өмнө хувьсгал хийхээр тэчьяадсан хэсэг бүлэг хүмүүсийн хийр­хэл болох нь илт байлаа. “Нам жирийн гишүүддээ хаалт­тай болсон”, “Намын бүт­­цийн байгууллагууд зөв­­хөн Удирдах зөвлөлд үйлчилж байна” гэх зэрэг намын удирдлагыг сөрсөн лозонтой энэ цугларалт лав сайны зөгнөл биш. МАХН-ын дарга С.Бат­болд, генсек У.Хүрэлсүх нар намын үзэл баримтлал, нэр, бэлгэдэлд хувьсал хийх саналаа Бага хурлаар хэлэл­цүүлсэн. Энэ хурлыг угтуулан Н.Энхбаяр “Зүүний ардчилсан үзэл баримтлалаасаа ухарч болохгүй. Тэгвэл хатуу тэмцэнэ” гэж “арвалзсан”. Түүнийг дэмжигчид нь “Элсний-13”-ын тасархай, УИХ-ын нэр бүхий гишүүд буй. Дээр нь их улс төрөөс “kick”-лүүлсэн хууччуул багтсан байна. Тэд байтугайг нь хуучинд тооцож, цусаа сэлбэж байгаа МАХН-ын шинэ үеийнхэн зүүн төвийн үзэл баримтлалыг дагах итгэл үнэмшлээ тийм ч амар алдахгүй л болов уу. У.Хүрэлсүхийн хувьд Н.Энхбаяр байна уу, С.Батболд байна уу, МАХН-д л том байвал боллоо гэсэн зарчмаар ажилладаг. Тиймээс ч тэврэлдэж байсан гараараа чулуу шидэхээсээ огтхон ч ичихгүй билээ. Түүн шиг залууст МАХН хайртай. Албан тушаалаа ч харам­гүй өгдөг. Үүгээрээ ч чадварлаг залуус улаан сарнайтай батлахаас нь огтхон ч ичихгүй намын байрны хаалгыг онголзуулсаар байдаг.

Нөгөөтэйгүүр  Н.Энх­баярын удирдсан хэлэл-      цүүлгийн үеэр “МАХН-ын үнэт зүйлсийг хамгаалъя” бүлгэм гэж байдгийг мэдэж авлаа. Энэ юу вэ. ХXI зууны улс төр дэх “бүлгэм” гэдэг ойлголтыг хэрхэн тодорхойлж болох вэ. Фракци, жигүүр бол өөр хэрэг. Мөн “Шинэ хөгжил” сан, “Зөв сонголт” МАХН-ын гишүүд дэмжигчдийн хөдөлгөөн, “Шинэ үе-ардчилал” ТББ-ууд Н.Энхбаяртай хамтарч дээрх  хэлэлцүүлэг гэгчийг зохион байгуулж буй нь анхаарал татлаа. Хэзээ ч үзэгдэж, сонсогдоогүй ийм олон байгууллагыг МАХН тас нуугаад байсан хэрэг үү. Эсвэл олон байгууллагын хам­тын тэмцэл гэг­чийг харуулах гэ­сэн оролдлого байв уу гэд­гийг гайхаж хоцров. Тэднийг зангидаж 400 гаруй гишүүн хуралдуулж чадсан Н.Энхбаярыг сүүдрийн на­мын дарга гээд нэрлэчихэд болохгүй юмгүй биз.

Түүнчлэн өнгөрсөн ам­ралтын өдрүүдэд МАХН-ын нарийн бичгийн дарга Ц.Сүх­баатар телевизэд өгсөн ярилцлагаараа намынхаа шинэ имижийг тодорхойлох гэж оролдлоо. Гэхдээ хуучин хүний шинэ имижийг олон нийт үнэндээ яаж ч хичээгээд сонирхож чадаагүй байх. “Бид чинь намаа шинэчлэх гэсээр яваад эдийн засгаа олигтой хөгжүүлж чадаагүй юм байна. Одоо л энэ талаар анхаарахгүй бол болохоо байлаа” гэсэн инээдтэй ухаарлыг сонссон сонгогчид МАХН-ыг өөрөөр үнэлж чадна гэж үү.  Эхний ээлжинд ажил­ладаггүй сайтаа ажилд оруулж, олон нийтэд хаалгаа нээснээр ардчиллыг гээхгүй гэсэн үзэл баримтлалынхаа тухай ярьсан нь дээр байх аа. 

Эв нэгдлээ талцлаар солиод өөдөлсөн түүх улс төрийн аль ч намын түүхэнд одоогоор байхгүй. Үүнийг шинэчлэл гэж байгаа бол МАХН-ынхан дутуу л сэтгэж байна даа. Гэхдээ хэзээнээсээ дуулгавартай, хэвлэлийнхэнд хаалттай МАХН-ынхан үүнийг уншихгүй биз.

У.ОРГИЛМАА

Зохиогчийн эрх: "Улс төрийн тойм" сонин

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

www.freecall.mn 2010-09-27 202.170.67.217

Сайн байцгаана уу
Манай Компани та бүхэнд дэлхийн 200 гаруй оронруу маш хямд үнээр ярьж болох Freecall Картыг санал болгож байна Холбоо барих утас 11350550

Avatar

ббб 2010-09-27 203.169.52.183

Сү Батболдын хувьд сохорсон биш завшив л болсон доо Улс орны хувьд Оюу толгой Таван толгой гээд асар том хөрөнгө оруулалтууд эхэлж байхад засгийн эрхэнд гардаг Ядаж ноён нуруутай шударга улс төрч биш жирийн л нэг олигарх шүү дээ МАХН таарсан ч хүнээ олж тавьсан даа Улс төрийн ноён нуруутай 20-30 жилийн дараа гэхэд үнэхээр монголчууд хүнээ олж тавьж чадсан гэхээр түүх үлдээж чадах өөр хүн олоод тавьчихаж чаддагүй Олон жилийн дараа Оюутолгой Таван толгойд баахан хувийнхаа эрх ашгийг аваачаад чихчихсэн түүхтэй Сү Батболд гэж хүн л монголчуудын түүхэнд үлдэх байх даа

Avatar

Зочин 2010-09-27 68.117.132.109

enhbayar chadaltai hun uneniig huleen zovshooroh heregtei

Avatar

enhee 2010-09-27 77.12.167.228

bolohgui bol nambariin huug hahuul absan hergeer hiitöriin terguun todorhoi hemzeend beleg abah huuli biiene tv absan biz deetegeed 1 hudagt hiigeed handiin tar

Avatar

Зочин 2010-09-27 120.51.66.71

1Enkhbayar odoo bolih heregtei sh dee Garch ireed yu hiih chini oilgomjtoi Yu ch hiigeegui baij odoo tsag bolson geed baigaag oilgohgui yum Bayar-iin helsen neg ug unen baisan shuu Er hun shig baigaach
2Batbol said zugaalahaa boliod butsaach ee Yur ni manai tomchuud garch ireed nagniihee aldaag sain davtah yum daa Enhbayar-iin gadaad yavah ni ihessentei ijil Batbold ch gesen sain yavah yumaa Yadaj neg yumaaraa ulger jishee uzuuleech

Avatar

khubsgul Ochir 2010-09-27 202.179.10.226

Enxbayar aa chinii tuluu jiriin namiin gishvvd uuriinxuu amidral axuig martan baij zvtgesen tednii itgel vnemshilrvv bvv nulimaarai n**** mini zvgeer neg ambitstai cham metiin n**** uuriinxuu erx ashigiig bodood odoogiin namruu dairax xereggvi bh shv jiriin gishvvd Bayar Batbold nariig chamaas xawigui ilvv yum gedgiig uxaarj bgaa chi zvgeer l zaluust xeregtei gadnii gants neg nom orchuulaad suuj bwal yasan yum odoo bolno sawar sanaagaa tat

Avatar

Зочин 2010-09-27 202.131.232.212

daraagiin uedee halaagaa ug

NewsMN Гар утасны хувилбар Татах
NEWS.mn

Мэдээллийн эх сурвалж