Бразилийн мэс заслын эмч, мэргэжилтнүүд олон гартай робот ашиглан зүрхний мэс засал хийжээ. Уг ажиллагаанд оролцсон Робинсон Поффо гэгч мэс засалчийн хэлснээр Сау-Паулу хотын Альберт Эйнштейний нэрэмжит эмнэлэгт 35 настай өвчтөнд уг хагалгааг хийсэн байна. “Өвчтөний зүүн болон баруун талын завсар хэсэг цоорхой байсан. Харин бид роботын тусламжтайгаар зүрхний энэ гажгийг эмчиллээ” хэмээн Поффо ярьжээ. Өндөр дэвшилтэт технологиор бүтсэн мэс заслын туслахын үүрэгтэй уг робот нь дөрвөн гартай бөгөөд зүсэлт хийх болон судас холбох зэрэг нарийн нямбай ажиллагаанд тусалдаг байна. Роботын ачаар өвчтөний цээжний хөндийг нээхдээ 25 см орчим зүсэлт хийсэн бөгөөд хагалгааны дараа 3-4 хоногийн дараа эмнэлгээс гарах бүрэн боломжтой гэнэ. Энгийн нөхцөлд хийсэн хагалгааны дараа ямартай ч 10 хоног эмнэлгийн нөхцөлд эмч нарийн хяналтад байх шаардлагатай байдаг аж. Энэ төрлийн мэс заслыг өнгөрсөн арван жилийн турш АНУ болон Европын орнуудад хийж байсан боловч анх удаагаа Латин Америкт “роботтой мэс засал” хийсэн талаар доктор Поффо мөн ярьжээ.

С.Цэлмэг