АНУ-ын Арканзас мужид 19 дэх удаагаа болж байгаа Hot springs
documentary хэмээх баримтат киноны наадамд Монголын кино өрсөлдөж
байна. ntv production-ийн бүтээл “Зуд. Хүйтэн симфони” нэртэй хагас
цагийн бүтээл тус наадмын сүүлийн шалгаруулалтад үлдсэн цорын ганц
Азийн кино болоод байгаа юм.

“Зуд-Хүйтэн симфони” киноны зургийг өнгөрсөн гуравдугаар сард Архангай
аймгийн Төвшрүүлэх суманд авчээ.Киноныхаа талаар тус баримтат киноны
зохиогч, продюсер М.Бум “Энэ бол хүн, байгаль хоёрын хүч тэнцвэргүй
тулдалдааны бичлэг. Ямар ч жүжиглэл, тавилт, зохиомж байхгүй бодит үйл
явдал юм. Архангайн нэгэн гэр бүлийн давж гарсан өвлийн түүх Америкт ч,
Монголд ч үзэгчдийн хайр, харамслыг төрүүлэхээр байхыг хичээж хийсэн”
гэж хэлэв.

“Зуд-Хүйтэн симфони” мөн Европт нэр хүндээрээ хоёрдугаарт эрэмблэгддэг
Лайпцигийн баримтат киноны наадмын албан ёсны хөтөлбөрт шалгарсан байна.

Линкийг энд дарж үзнэ үү.