ОХУ-ын Новосибирск хотноо ОХУ, Монгол, БНХАУ-ын Худалдаа, аж үйлдвэрийн танхимуудын ээлжит зургаа дахь удаагийн гурван талт уулзалт өнгөрсөн сарын дундуур болсон билээ. Уулзалтаар  хил орчмын худалдааг хөгжүүлэх, түүнийг хөнгөвчлөх талаар голлон хэлэлцсэн байна.

Чуулга уулзалт дээр ОХУ-ын Төв танхимын дэд ерөнхийлөгч Г.Петров Орост хил орчмын улсуудтай харилцах, хамтын ажиллагааг хөгжүүлэх хууль эрх зүйн суурь байхгүй байгааг хүлээн зөвшөөрөөд, ОХУ-д гааль, тээвэр, логистикийн асуудал тулгамдсан хэвээр байна. Тиймээс Оросын худалдааны танхим эдгээр тулгамдсан асуудлыг Засгийн газартаа ойрын хугацаанд тавихаа амласан юм. Түүнчлэн ирэх онд ОХУ, БНХАУ-ын хоорондын худалдааны эргэлт 55 тэрбум ам.долларт хүрнэ гэж хоёр улсын тал тооцоолж байгаа ажээ. Харин ОХУ манай улстай хийх худалдааны эргэлтийг нэг тэрбум ам.доллараар нэмэгдэнэ гэдгээ мэдэгдэж байна.

Д.Цээнэ