Гамшгаас урьдчилан сэргийлэх шалгалт хийв | News.MN

Гамшгаас урьдчилан сэргийлэх шалгалт хийв

Хуучирсан мэдээ: 2010.09.24-нд нийтлэгдсэн

Гамшгаас урьдчилан сэргийлэх шалгалт хийв

Орхон аймгийн Онцгой байдлын газар нь энэ сард 3900 гаруй өрх, 120 обьектод гамшгаас урьдчилан сэргийлэх үзлэг, шалгалт хийжээ. Үзлэг шалгалтын явцад гал түймэр гарч болзошгүй 916 зөрчил дутагдлыг илрүүлэн, шалгалтын явцад 128 зөрчлийг арилган, цаг хугацаа хөрөнгө хүч шаардсан 788 зөрчлийг арилгуулахаар заавал биелүүлэх албан шаардлага, мэдэгдлийг тус бүр өгсөн байна.

Аймгийн хэмжээнд нийт долоон удаагийн гал түймэр гарч, Гал унтраах ангиуд хоёр удаагийн гал дээр байлдааны тархалт хийн ажиллаж, иргэд таван гал түймрийг унтраажээ. Гал түймрийг унтраахад 83,4 литр шатахуун, 13 тн ус зарцуулсан гэнэ. Гарсан гал түймрийг шалтгааныг нөхцлөөр нь ангилбал, цахилгааны зөрчлөөс гурав, пийшин зуух, яндангийн цонолтоос хоёр, ил задгай хаясан үнс, нурамнаас нэг, насанд хүрээгүй хүүхдийн болгоомжгүй үйлдлээс болж нэг гал гарчээ.

Г.Дарь

 

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж