Дэвид Бекхэм өөрийн хувийн амьдралын талаар мэдээлэл гаргасан АНУ-ын нэгэн сэтгүүлийн эсрэг шүүхэд нэхэмжлэл гаргав. Энэ мэдээллийн дараа түүний хэвлэлийн төлөөлөгч мэдэгдэхдээ  “тэр гаргасан мэдээнүүд нь бүгд худлаа тэгээд бас утгагүй юм” гэж хэлжээ. Гэвч сэтгүүлч уг мэдээллийг гаргахаасаа өмнө Бекхэмд энэ талаараа мэдэгдсэн гэж байгаа юм.

Бекхэмийн хэвлэлийн төлөөлөгч  энэ талаар “Харамсалтай нь бид нар сэтгүүлд худлаа мэдээлэл гаргаж болдог, тэгээд түүнийгээ зүгээр л өнгөрдөг гэж боддог хорвоод амьдарч байна” гэсэн байна. 2007 онд Бекхэмийг Ирма Ричи хэмээх эмэгтэйтэй холбогдож байсан гэх цуурхал гарч байсан бөгөөд саяхан Ирма Ричи нь In Touch сэтгүүлд тус хэрэг явдлын тухай дахин мэдээлэл өгсөнийг Бекхам ийнхүү үгүйсгэж байна

Мөн өнгөрсөн жил Daily Star сонин Бэкхамийг нэгэн загвар өмсөгчтэй явалддаг гэж мэдээлэл гарган тэрээр гүтгэлгээс үүсэлтэй нөхөн олговор авч байжээ.

1999 онд Manchester United багын экс гишүүн нь хуучин Spice Girl хамтлагийн гишүүн Викториа Бэкхамтай гэрлэсэн юм.