Гадаадад суралцагчдын тал нь эргэж ирдэггүй | News.MN

Гадаадад суралцагчдын тал нь эргэж ирдэггүй

Хуучирсан мэдээ: 2010.09.24-нд нийтлэгдсэн

Гадаадад суралцагчдын тал нь эргэж ирдэггүй

Хичээлийн шинэ жил эхэлж, оюутан сурагчид хичээл сургуульдаа орсонтой зэрэгцээд яригддаг нэг зүйл нь гадаадад суралцагч оюутны асуудал. Энэ жил өндөр хөгжилтэй орнуудад төрийн сангийн зээлээр хичнээн хүн явуулах болон шалгалтын талаар БСШУЯ-ны Боловсролын газрын мэргэжилтэн Д.Баднайнямбаас тодрууллаа.

-Одоогоор гадаадад манай хэдэн оюутан ямар ямар мэргэжил, хаанахын тэтгэлгээр сурч байгаа вэ?

-5000-6000 оюутан сурч байгаа. Засгийн газрын тэтгэлэг, төрийн сангийн зээл, улс хоорондын оюутан солилцоо, хувиараа гэх мэт төлбөр нь янз бүр. Мэргэжлийн төрөл бас янз бүр байгаа ч сүүлийн үед уул уурхай хөгжиж байгаатай холбоотойгоор энэ салбарын мэргэжилтний захиалга өссөн.

-Төрийн сангийн зээлээр гадаадад суралцагчдыг бүртгэж байгаа.  Энэ жил  хэдэн хүн, ямар мэргэжлээр элсүүлж байгаа вэ?

-Энэ жилийн төрийн сангийн зээлээр гадаадад магистрантурт 60, докторантурт  9, нийт 69 хүн явуулна. Сонгон шалгаруулалтыг долдугаар сард зарласан боловч хүн гүйцээгүй учраас одоо дахин зарлаж аравдугаар сарын 4 хүртэл бүртгээд 12-нд шалгаруулалт явуулна. Янз бүрийн мэргэжлийн захиалга байгаа. Тухайлбал ус, агаар, тээвэр, цөмийн болон ураны инженер, хөдөө аж ахуй, хууль эрх зүй, олон улсын худалдаа гэх мэт. Гэхдээ бас л уул уурхайн мэргэжилтний захиалга их ирсэн байна билээ.

-Элсэгчдийг ямар шалгуураар явуулдаг вэ, яагаад хүн нь гүйцэхгүй байна гэж?

-Тухайн мэргэжлийн чиглэлийн дагуу магистр, докторын сургалтад хамрагдах хүмүүс бакалавраас доошгүй боловсролтой, дипломын голч дүн нь 3,20 ба түүнээс дээш байх, мэргэжлээрээ хоёроос дээш жил ажилласан, тухайн сургуулийн гадаад хэлний шаардлагыг хангасан буюу TOEFL,  IELTS  өгсөн байх ёстой. Хүмүүс бол их ирж байна. Гол нь гадаад хэлний мэдлэгийн шаардлагыг хангахгүй байна.

-Гадаадад суралцагчид сургуулиа төгсөөд эх орондоо эргэж ирж ажилладаг биз дээ?

-Манай суралцагчид харьцангуй сайн эргэж ирдэг. Гэхдээ гэрээнд нэг зүйлийг өөрчлөх ёстой юм шиг байгаа юм. Эргэж ирээд улсын болон хувийн байгууллагад ажиллаж болно гэж. Одоогийн манай гэрээгээр бол зөвхөн улсын байгууллагад ажиллана гээд заачихсан. Гэтэл 4-5 жил сураад буцаад ирэхэд нь нөгөө захиалга өгч явуулсан газар нь хүн авчихсан байдаг. Ингээд ажилгүй болох тохиолдол  бий.  Бид анх явснаас хойш эргэн ирэх хугацааг таван жилээр тооцдог. Мөн ирээд таван жил ажиллаж байж зээлээс чөлөөлөгдөх ёстой.

Зээлийн гэрээг өөрчлөх ёстой

БСШУЯ-ны Төрийн сангийн гүйцэтгэх захирал Д.Нансалмаатай уулзлаа.

-Өмнөх жилүүдэд Төрийн сангийн зээлээр өндөр хөгжилтэй орнуудад сурсан хүмүүсээс хэд нь буцаж ирэв, хэд нь ирээгүй вэ?

-Манайх 1997 оноос төрийн сангийн зээлээр гадаадад суралцуулж эхэлсэн. Одоогийн байдлаар 1115 хүн суралцсанаас 636 нь төгсч ирсэн. Тэдний 335 нь төсвийн байгууллагад, 228 нь хувийн болон төслийн байгууллагад ажиллаж байна. 53 хүн ажилгүй, 217 хүн эргэж ирээгүй байгаа.

-Яагаад эргэж ирдэггүй юм бэ?

-Янз бүрийн шалтгаантай. Нарийн мэргэжлээр сурч байгаа ч хүн бий, төгсөөд тэндээ ажиллаж байгаа хүмүүс ч байгаа.

-Төрийн сангийн зээлээр суралцагчдад дунджаар хэдэн төгрөгийн зээл олгодог вэ?

-Сурч буй орон, сургуулиасаа хамаараад янз бүр байдаг. Зарим орны сургууль төлбөргүй, хураамж нь 500 доллар байхад зарим нь өндөр үнэтэй. Төрийн сан 500.000-16.000.000 төгрөгийн тэтгэлэг олгодог. Үүнээс дээш төлбөрт сургуульд суралцагч нь зөрүүг өөрөө төлнө. 

-Ирээгүй хүмүүсийн төлбөрийг яах вэ? Барьцаа авдаг биз дээ?

-Төрийн сангийн зээл 1997 оноос хэрэгжсэн. Харин барьцаа авах асуудал 2002 оноос эхэлсэн. Одоогоор орон сууц, газар барьцаалж байна. Харин 2002 оноос өмнө зээл авсан хүмүүсийн барьцааны асуудал бүрхэг байдаг.
 

Д.Цэнд

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2010-09-24 182.160.54.218

Gadaadad suraad tendee uldsen humuus hogshirohooroo nutagtaa yasaa tavina gej yaridag tednii ogor yasaar eh oron yu hiih yum be hereggui bitgii irtsgee ter gadaaddaa yasaa tavina uu shataana uu hamaa alga b** irtsgee

Avatar

www.freecall.mn 2010-09-24 202.170.67.217

Манай компаний Freecall карт Та бүхэнд дэлхийн өнцөг булан бүрээс дэлхий 200 гаруй ороны үүрэн болон суурин утасруу холбогдож хамгийн хямд үнээр ярих боломжийг санал болгож байна
11350550

Avatar

Ard 2010-09-24 202.131.246.131

Yglee chawganc shig ingej yglej bhaar zygeer gadaadluu yawuulahaa baichij bolno shyy dee Yadaj tur surgaltiin zardaliig ni daahaa baichihad haricangyi bagasana Tegeed tergyynyyd ni gadaad aichlal hiihdee manai mongol hyyhdyydiig ynegyi suralcuulaach gej guilga guihaa boliwol byr ch bagasana Gadagshaa hyyhed suralcuulahad heterhii ih mungu cacaad Mongoliin maani ih surguuliud Choibalsan Cedenbal guyain yed baisan labortari tanhim ni yag heweeree baigaad baina Mongol hyyhdyydee gadagshaa yawuulah anhaarah bish Mongol ih surguuliudiin hugjild anhaarwal arduud mine

Avatar

Зочин 2010-09-24 2.96.4.206

——Чадамжийн гэрчилгээ олгох үнэгүй тэтгэлэгт сургалт——

Барилгын засал чимэглэл өрөг угсрагчийн мэргэжил дээшлүүлэх 14 хоногийн сургалтанд бүртгэнэ Унаа хоолний мөнгө өдөрт 1500 төгрөг өгнө Төгсөгчдөд чадамжийн гэрчилгээ олгоно Хэрэв та барилгын ажлийн зохих мэдлэг туршлагатай бөгөөд богино хугацаанд онолын мэдлэгээ дээшлүүлж ажлын байртай болхыг хүсч байвал дараах утсаар холбоо барин уу 9111-1522 9120-0678 9908-0493

Avatar

www.terguun.net 2010-09-24 202.131.227.186

mongol sexy

NewsMN Гар утасны хувилбар Татах
NEWS.mn

Мэдээллийн эх сурвалж