Сүхбаатар аймагт ирүүлсэн хоёр зуу орчим тонн хлорын шохой нь ариутгалын шаардлагыг хангахгүй байна гэсэн дүгнэлтийг аймгийн Мэргэжлийн хяналтын газар гаргажээ. Лабораторийн шинжилгээгээр идэвхтэй хлорын хэмжээ нь стандартын шаардлагаас гурав дахин бага байсан байна. 2004 онд гарсан шүлхий өвчний үеэр хлорын шохой гээд маш хүчтэй хорт бодис ирүүлсэн нь өнөө хэр аймгийн Мал эмнэлгийн албанд хадгалагдсаар байгаа гэнэ. Малын гоц халдварт өвчинтэй тэмцэх, ариутгал халдваргүйжүүлэлт хийхэд ариутгалын бодис болон зориулалтын тоног төхөөрөмж ихээхэн дутагдаж байгаа ажээ.
Г.Сүхээ
