Дорнод, Сүхбаатар аймгаас мал, тэдгээрийн гаралтай түүхий эд, бүтээгдэхүүнийг бусад бүс нутагт оруулахыг зургаан сарын хугацаатайгаар хориглосон Зас­гийн газрын тогтоол малын арьс, ширний ченжүүдэд томоохон цохилт болоод байна. Баруун-Урт суманд ажилладаг арваад ченж шүлхий өвчин ил­рэхээс өмнө цуглуулсан 3000 арьс шир, 20 тонн хонины ноос гээд гучаад сая төгрөгийн бүтээг­дэхүүнээ хэрхэн тээвэрлэж бор­луулахаа шийдүүлэхээр Айм­гийн онцгой комисст өргөдөл гар­гажээ.