“Намрын ногоон өдрүүд-2010” өчигдөр өндөрлөж, шилдгийн шилдгүүдээ тодруулсан байна. Энэхүү үзэсгэлэн худалдааг Монгол Улсын Засгийн газраас хүн амын хүнсний хангамжийг сайжруулах, үндэсний хүнс үйлдвэрлэгчид, малчид, тариаланчдын бараа бүтээгдэхүүн, шинэ ургацын дээжийг хэрэглэгчдэд таниулах, сурталчлах зорилгоор тав дахь удаагаа зохион байгуулсан  юм. Энэ удаа зөвхөн үзэсгэлэн худалдаа явуулаад зогсохгүй “Витафит” ХХК-ийн үйлдвэртэй танилцах аялал, “Хөхүүрийн айраг, түүний ач холбогдол, хуванцар савны хор хөнөөл” сэдэвт танилцуулга хийж, Шар айрагны баяр зохиож, жижиг дунд үйлдвэрлэл эрхлэгчдэд зөвлөгөө өгч, мэдээлэл түгээсэн байна.  “Үзэсгэлэн худалдаанд 19 аймгийн нийт 600 гаруй аж ахуйн нэгж, иргэд оролцон шилдэг бүтээгдэхүүнээ хэрэглэгчдэд борлуулсан байна. Баян Өлгий аймгийнхан өөсрдийн тарьж ургуулсан алимаа авч ирсэн бол Ховд аймгийнхан нутгийн брэнд болсон тарвас, шар төмсөөрөө гайхуулав. Мөн Сэлэнгэчүүд зөгийн бал, загас, сармис, хүнсний ногоогоо хэрэглэгчдэд джжилсэн бол Архангайнхан цагаан идээнийхээ дээжээр, Хөвсгөлчүүд жимс жимсгэнээ, Булганыхан арааны шүлс асгаруулсан айргаа нийслэлийнхэнд өргөн барьсан байна. Энэ удаагийн үзэсгэлэн худалдаа гурван төрлөөр явагдсан бөгөөд “Эрүүл хүнс” үзэсгэлэн худалдаагаар 345,9 сая төгрөг, “Алтан намар” үзэсгэлэн худалдаагаар    854,1 сая төгрөг, “Нийслэлийн ногоон өдрүүд” худалдаагаар 562,5 сая төгрөгийн борлуулалт хийжээ. Тодруулбал орон нутгаас ирсэн ногоочид 1430 тонн төмс, 928 тонн хүнсний ногоо, жимс, жимсгэнийг борлуулсан гэсэн дүн гарчээ.”Намрын ногоон өдрүүд”-ийн хамгийн эрхэм шагнал болох шилдэг хүнс үйлдвэрлэгчид олгодог “Гран при” шагналыг Мах импекс ХК авсан байна. Бусад шагналыг ямар ямар байгууллага аж ахуйн нэгж хүртсэнийг доорх жагсаалтаас харна уу.

Шилдэг хүнс үйлдвэрлэгч, шилдэг бүтээгдэхүүнээр шалгарсан аж ахуй нэгжүүд:

Шилдэг хүнс үйлдвэрлэгч /Гран при/               Мах Импекс ХК
Шилдэг махан бүтээгдэхүүн            Мөнхийн болор ХХК, Сервелат хиам
Шилдэг сүүн бүтээгдэхүүн            Хаан Ембүү ХХК, Цагаан тараг
Шилдэг гурилан бүтээгдэхүүн            Үндсэн хүнс ХХК, Өргөө загасан талх
Шилдэг ундаа                    “MCS Coca Cola”, Жүржийн талст ундаа
Шилдэг шар айраг                АПУ ХК, Нийслэл пиво
Шилдэг экологийн цэвэр бүтээгдэхүүн        Лигийн ухаа ХХК,  Бяслаг
Импортыг орлох шилдэг бүтээгдэхүүн        Газар Шим ХХК,   Өег салат
Шилдэг сав баглаа боодолтой бүтээгдэхүүн    Жем интернэйшнл ХХК, Жем драфт пиво
Шилдэг техник технологи нэвтрүүлсэн үйлдвэр    Витафит ХХК,
Орон нутгийн шилдэг хүнсний бүтээгдэхүүн        
Ар гангат ХХК, /Сэлэнгэ, Шаамар/  Шижир зөгийн бал
Ар тусгалт ХХК, /Архангай, Чулуут/ Хорхой ааруул
Орон нутгийн шилдэг хүнс үйлдвэрлэгч    Хөвсгөл хүнс ХХК

“Алтан намар-2010” үзэсгэлэнгийн номинацид нэр дэвшиж
шалгарсан иргэн, аж ахуйн нэгж , байгууллагын нэр

Шилдэг сум-3

Дархан-Уул аймгийн Дархан сум
Хэнтий аймгийн Мөрөн  сум
Дархан-Уул аймгийн Орхон сум

Шилдэг ногоочин-3

Сэлэнгэ аймгийн Шаамар сумын ногоочин Ц.Даваасамбуу
Төв аймгийн Борнуур сумын ногоочин Н.Батбаяр
Хөвсгөл аймгийн Рашаант сумын ногоочин Т.Цэцэгмаа

 Шилдэг  аж ахуйн нэгж -2

Нийслэлийн Баянзүрх дүүрэг “Миш-Маш” ХХК
Увс аймгийн Улаангом сумын “Увс шинэ ургац арвин ” ХХК

Шилдэг хоршоо-2

Ховд аймгийн Буяни сумын “Арван улиас” хоршоо
Увс  аймгийн Улаангом сумын “Хэт цах” хоршоо

Зохион байгуулалт сайтай төсөл -1
Монгол төмс хөтөлбөр зэргийг шалгаруулж, шагнал урамшуулал олгосон байна.