Холливудын одод, алдартай тамирчид, хамтлаг дуучид, баячуудын авто гаражид гарцаагүй байх ёстой гэгддэг Rolls Royce Phantom төмөр хөлөг сонсогдох нэрнээсээ л сүрлэг, тансаг чамин байдлыг илтгэдэг. Чамгүй өндөр үнэгүй уг автомашиныг бүр ч тансаг болгон, алтаар чимэглэсэн нь Унгарын Сегед хотноо олны нүдийг хужирлаж байна. Уг Phantom-ын грилл буюу нүүрэн хэсэг, урд болон хойд гэрлийн ирмэг хүрээ, хаалганы бариул, салхины шил болоод хажуугийн цонхны хүрээ, жолооны хүрдний хэсгүүд, яндан зэргийг 24 каратын алтаар чимэглэжээ.