Шатрын 39-р олимпиад эхэллээ | News.MN

Шатрын 39-р олимпиад эхэллээ

Хуучирсан мэдээ: 2010.09.22-нд нийтлэгдсэн

Шатрын 39-р олимпиад эхэллээ

ОХУ-ын Ханты-Мансийск хотноо шатрын 39-р олимпиад өчигдөр эхэллээ. Ирэх сарын 4-нийг хүртэл үргэлжлэх энэ жилийн шатрын олимпиадад эрэгтэй 159, эмэгтэй 119 багийн нийт 1380 шатарчин оюун ухаанаа сорин өрсөлдөж байна. Тэдгээрээс 772 цолтой шатарчин байгаагаас 247 их мастер, 63 эмэгтэйчүүдийн их мастер, 160 олон улсын мастер, 87 эмэгтэйчүүдийн олон улсын масте, мөн 81 FIDE-гийн мастер, 80 FIDE-гийн эмэгтэй мастер цолтой шатарчид багтжээ.
Эрэгтэй баг тамирчдын тухайд зохион байгуулагч ОХУ-ын шатарчид чансаагаараа тэргүүлж, Украйн, Азербайжаны багууд эхний гуравт багтсан бол манай улсын эрэгтэй шатарчид чансаагаараа 66-рт бичигдээд байна. Харин оюутны дэлхийн аварга Б.Мөнгөнтуул, сурагчдын дэлхийн аварга А.Энхтуул тэргүүтэй эмэгтэй шатарчид чансаагаараа 31-рт эрэмбэлэгдээд байна. Энэ ангилалд мөн л ОХУ-ын баг тамирчид тэргүүлж, БНХАУ болон Украйны багууд удаалжээ.
Өчигдөр тэмцээний эхний өргийн тоглолтууд болж, манай эрэгтэйчүүд Мали улсын багтай, харин эмэгтэйчүүд Туркменистаны шатарчидтай тоглолоо. Б.Гүндаваа, Н.Баттулга, Г.Эрдэнэ болон Ц.Батчулуун нарын бүрэлдэхүүнтэй эрэгтэй шатарчид дэлхийд чансаагаараа 143-рт эрэмбэлэгдсэн Малигийн багтай тоглож, дөрвөн тоглолтдоо бүгдэд нь хожсоноор ерөнхий дүнгээр 4:0 харьцаатай хожсон байна.
Харин эмэгтэйчүүдийн тухайд чансаагаараа 44-р байрт бичигдсэн Туркменистаны багтай тоглож, 2:2 харьцаатай тэнцжээ. Манай шатарчдаас У.Лхамсүрэн, А.Энхтуул нар өрсөлдөгчөө хожсон бол Б.Анхчимэг, С.Отгонжаргал нар хожигджээ. Өнөөдөр тэмцээний хоёрдугаар өргийн тоглолтууд болох бөгөөд манай эрэгтэй шатарчид АНУ-ын багтай, харин эмэгтэйчүүд Шведийн багтай тоглоно.

С.Цэлмэг

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

www.freecall.mn 2010-09-22 202.170.67.217

Манай компаний Freecall карт Та бүхэнд дэлхийн өнцөг булан бүрээс дэлхий 200 гаруй ороны үүрэн болон суурин утасруу холбогдож хамгийн хямд үнээр ярих боломжийг санал болгож байна 11350550

Avatar

Зочин 2010-09-22 202.131.225.147

Turkmenuudiig hojih heregtei bsiim daa

NewsMN Гар утасны хувилбар Татах
NEWS.mn

Мэдээллийн эх сурвалж