Ирэх аравдугаар сарын 14-ны өдөр Монгол Улсын Засгийн газраас “Хөдөлмөрийн үндэсний чуулган”-ыг зохион байгуулахаар төлөвлөөд байгаа билээ. Энэхүү чуулганыг угтан хөдөлмөр эрхлэлтийг дэмжих асуудлаар бүх аймаг болон нийслэл Улаанбаатар хотод “Хөдөлмөрийн бага чуулган”-ыг зохион байгуулах ажээ. Чуулганы үеэр иргэдэд үйлчлэх “Ажлын байр-2010 Хөдөлмөрийн бирж” ажиллуулах бөгөөд хөдөлмөрийн салбарт хэрэгжүүлж буй төсөл хөтөлбөрүүдийг танилцуулж, “Бүтээн байгуулалт-ажлын байр” үзэсгэлэн гаргах юм байна. Түүнчлэн үндэсний чуулганы өмнө “Оюутны хөдөлмөр эрхлэлт”, үндэсний чуулга уулзалт, хөгжлийн бэрхшээлтэй иргэдийн хөдөлмөр эрхлэлтийг дэмжих бүсийн сургалтыг зохион байгуулах юм байна.
Д.Цэц