Хэсэг хугацаанд нам жим байсан “Чоно” хамтлаг тарж байгаа гэх цуу яриа тархаад байгаа билээ. Тэгвэл тус хамтлагийн дуучин Д.Дэрмээ энэ цуу яриаг ор үндэсгүй болох талаар ийнхүү хэлжээ. “Бид хэсэг хугацаанд уран бүтээлээ завсарласан болохоос тараагүй ээ. Манай хамтлаг тарахгүй. Энэ намар багтааж хоёр шинэ цомог гаргахаар төлөвлөж байна” гэв. Мөн дуучин Д.Дэрмээг бор дарсанд орсон гэх мэдээлэлд “Нэг тийм мэдээлэл гарсан байсан. Энд, тэнд ганц нэг пиво, дарс найзуудтайгаа  уух явдал гардаг. Айхтар бор дарсанд орсон зүйл байхгүй. Бид чинь  бусадтай адилхан л хүн шүү дээ” хэмээн тайлбарлаж байна.

М.Урин