“Палермо”-д гоол алдан нэхэж явсан “Интер”-ээс Камерун довтлогч Самуэл Эту хоёр гоол оруулж, “Интер”-ийг ялалт байгуулахад гол үүрэг гүйцэтгэлээ. Энэ хожлынхоо ачаар өнгөрсөн улирлын үнэмлэхүй аваргууд Сери А-г “Чезена”-гийн хамтаар тэргүүлж эхэлсэн байна.
Өнгөрсөн улиралд Эту Диэго Милитод дарагдан арай бага гоол хийж байсан бол одоогоор Милитогийн тоглолт нэг л болохгүй байгаа учраас, Эту буцаад өөрийгөө харуулж байна. Тэр улирал эхэлснээс хойш багтаа хожил авахад нь анх удаагаа тусалж байгаа хэрэг биш. Тэрбээр өнгөрсөн долоо хоногт “Удинезе”-ийн хаалганд мөн л хожлын гоол хийсэн.
“Интер” энэ тойрогт хожил авснаар гурван тоглолтын дараагаар “Чезена”-гийн хамтаар долоон оноотой хүснэгтийг тэргүүлж эхэллээ.
Score Studio