Узбекстаны Ерөнхийлөгч Ислам Каримов бүх төрлийн архи согтууруулах ундаа болон тамхийг сурталчлахыг хориглосон хуулинд гарын үсэг зурсан. Уг хуулийг энэ сарын 18-наас тус улсад хүчин төгөлдөр хэрэгжүүлж эхэллээ хэмээн ИТАР-ТАСС мэдээллээ. Энэхүү хуулинд бүх төрлийн согтууруулах ундаа шар айргийг ч сурталчилж болохгүй гэжээ. Уг хуульд архи тамхины далд сурталчилгааг ч тусгасан бөгөөд гадаад үг, нэрийг сурталчилгааны зорилгоор ашигласан хуулийн этгээд болон хувь хүнийг хариуцлагад татах тухай тодорхой заасан байна.