Дархан-Уул аймгийн “Дархан Төмөрлөгийн үйлдвэр” ТӨХК нь том оврын гурван ширхэг автобус нийлүүлэх тендерийг өнөөдөр нээсэн. Тус компани өнгөрсөн сарын 20-ноос уг тендерийг зарласан юм.

Тендерийн нээлтээр ямар компани шалгарсныг тодруулахаар захиалагчтай утсаар (99372889 дугаарт) холбогдлоо.

-Танайхаас зохион байгуулсан тендерийн нээлт өнөөдөр болсон байгаа. Ямар компани шалгарсан бэ?

-Тендерийн нээлт хийнэ гэдэг бол шалгарсан компанийг зарлана гэсэн үг биш.

-Хэзээ шалгаруулалтын эцсийн дүн гарах вэ?

-Үнэлгээний хороо хуралдаж байж шийд гарна, 14 хоногийн дараа.

-Тендерт хэчнээн компани материалаа ирүүлсэн байна вэ?

-Энэ тухай хэлэх нууц байдаг юм.

Гурван ширхэг автобус нийлүүлэх тендерийн нээлт өнөөдөр болсон ч дэлгэрэнгүй мэдээлэл өгөхөөс зохион байгуулагч татгалзлаа. Юутай ч 14 хоногийн дараа ямар шийд гарахыг хүлээх үлдлээ.