2009 онд Их Британид оргилуун дарсны худалдаа таван сая шилээр багассан байна. Их Британи оргилуун дарсны дэлхийн хамгийн том зах зээл. Гэвч Их Британийн импортлосон дарсны хэмжээ 15 гаруй хувиар буурч 30.52 шилийг гаднаас авсан нь 2002 оныхтой дүйцэж байна гэж Францын ‘Шампанийн товчоо’ мэдэгдсэн байна. Зарим хүмүүс, эдийн засгийн хямралаас болж дарсны худалдаа 40 хүртэл хувиар унаж болзошгүй гэж өмнө нь таамаглаж байсан юм.
Их британичууд АНУ, Герман, Бельгийн уусан дарсыг нийлүүлсэнтэй дүйцэхүйц хэмжээний дарс уудаг гэсэн статистик байдаг. “Британичууд 300 гаруй жил оргилуун дарс ууж байгаа. Тиймээс хямрал тохиолдсон ч тэд дарсаа хаяхгүй” гэж Францын  Шампан дарсны товчооны ерөнхийлөгч Francoise Peretti ярьж байна.
Америк руу экспортлосон дарсны хэмжээ бараг 30 хувиар буурсан бол, АНУ, Германы дарс худалдан авалт 1990-ээд оны эхэн үеэс хойших хугацааны хамгийн бага төвшинд хүрч буурсан байна. Дарсны экспорт өнгөрсөн жил 28 хувиар буурч орлого нь 1.6 тэрбум ам доллар болсон гэж хоёрдугаар сард Франц мэдэгдсэн. Шампан дарс нь Францын умардад байдаг Шампан гэдэг нэртэй мужид үйлдвэрлэдэг бөгөөд Францын өөр нутагт болон өөр улс оронд үйлдвэрлэсэн оргилуун дарсыг ижил нэртэйгээр зарж борлуулахыг хориглодог юм байна.

Т.Ариунсанаа