Олны нэрлэж заншсанаар Самбуугийн гудамж буюу Гэсэр сүмийн уулзвараас Хүнсний нэгдүгээр дэлгүүрийн уулзвар хүртэлх авто замд засвар хийхтэй холбогдуулж, өнгөрсөн өдрүүдэд хаагаад байсан билээ. Ингэснээр баруунаас зүүн тийш чиглэсэн хөдөлгөөнийг түр хугацаагаар хязгаарласан байсан юм. Харин зам засварын ажил өчигдөр дууссанаар тээврийн хэрэгслүүд чөлөөтэй зорчиж эхэллээ. Одоо авто замын дагуух явган хүний замыг тохижуулах ажил хийгдэнэ.