Нийслэлийн Ардчилсан намын үндэсний зөвлөлдөх хорооны хуралдаанаас гаргасан шийдвэрийн дагуу С.Эрдэнэ нийслэлийн намын хорооны даргын суудлаа өгч, оронд нь гурван ч хүн нэр дэвшээд байна. Тодруулбал, нийслэлийн Ардчилсан намын даргад УИХ-ын гишүүн Х.Тэмүүжин, Ардчилсан холбооны ерөнхий нарийн бичгийн дарга Ш.Түвдэндорж, нийслэлийн Ардчилсан намын зөвлөлдөх хорооны гишүүн Ж.Батзандан нар нэр дэвшсэн юм. Гэвч Ж.Батзандан нэрээ татаж байгаагаа мэдэгдэж одоогоор нэр дурдсан хоёр эрхэм тунаж үлдээд байна. Нууц санал хураалтаар тэдний хэн нь нийслэлийн Ардчилсан намын хорооны даргаар сонгогдох нь тодорхой болно.