Дэлхийн томоохон биржүүд монголыг сонирхсоор байна. Тэдний нэг жишээ бол энэ энэ сарын 23-нд Нью-Йоркийн хөрөнгийн биржид "Монголын хөрөнгө оруулалтын чуулга уулзалт"-ыг анх удаа зохион байгуулах гэж байгаа явдал юм. "Нью-Йоркийн үнэт цаасны шинжээчдийн нийгэмлэг" (NYSSA)-ээс зохион байгуулж буй эл уулзалтын үеэр манай "Петроматад", "Эрдэнэс МГЛ", "Хүннү коал", "Ньюком" зэрэг компани өөрсдийн үйл ажиллагааг танилцуулах аж. Мөн чуулганд NYSSA-ийн гишүүн мэргэжилтнүүд болон NASDAQ, АМЕХ, олон улсын хөрөнгө оруулалтын банк, санхүүгийн корпорациудын 30.000 гаруй төлөөлөгч хүрэлцэн ирэх юм.
Мөн энэ сарын 29-нд Лондонгийн Хөрөнгийн биржийнхэн Монголд ирнэ. Хөрөнгийн зах зээлийн асуудлаар хурал зохион байгуулж буй юм. Түүнчлэн ХонКонгод ирэх аравдугаар сард Монголын Хөрөнгө оруулалтын дээд хэмжээний уулзалт болно.
Б.Сүрэн