Ирэх долоо хоногийн мягмар гаригт Монгол Улсын Ерөнхийлөгчийн Тамгын газрын 20 жилийн ой тохиох гэж байна. Уг арга хэмжээг тохиолдуулан өнөөдөр Төрийн ордонд үе үеийн Тамгын газрын дарга нарын уулзалт боллоо.

Монгол Улсын анхны Ерөнхийлөгч П.Очирбатын үед Тамгын газрын даргаар Ч.Дашдэмбэрэл, Б.Түмэн, Б.Чимид, М.Энхсайхан, хоёр дахь Ерөнхийлөгч Н.Багабандийн үед С.Баяр, Б.Батхишиг, Б.Даш-Ёндон, Л.Эрдэнэчулуун, гурав дахь Ерөнхийлөгч Н.Энхбаярын үед Т.Билэгт, Л.Амарсанаа нар ажиллаж байсан бол өнөөгийн Ерөнхийлөгч Ц.Элбэгдоржийн үед Д.Дорлигжав энэ албыг хашиж байв. Харин одоо Д.Баттулга Тамгын газрыг даргалж байна.

Тамгын газрын 20 жилийн ойд зориулж Ерөнхийлөгчийн Хэвлэл мэдээлэл, олон нийттэй харилцах албанаас түүх харуулсан ном хэвлүүлэн гаргажээ.