![](https://news.mn/wp-content/archive1/politics/photo/2010/8/fff4267cf40fd67c/44907dd4fc2ab775big.jpeg)
Уулзалтын үеэр зөвлөх П.Цагаан Монголын иргэд болон бизнесийн байгууллагууд ХБНГУ-д найрсаг хандлагатай, мөн тэдний бараа бүтээгдэхүүний чанар Монголчуудын дунд танигдсан тул ХБНГУ өөрт байх энэхүү давуу талаа ашиглан цаг алдалгүй хөрөнгө оруулалт хийхийг зөвлөлөө.
Үүний хариуд ноён Кнөш “Монгол Улсын хөрөнгө оруулалт болон гадаад худалдааны хууль зүйн орчин бидний хувьд шийдвэрлэхэд хүндрэлтэй асуудал биш юм. Гол нь бараа бүтээгдэхүүнээ худалдан авсны дараа тэдгээрийг тээвэрлэх асуудал өртөг ихтэйсанагдаж байна” хэмээн тайлбарлав.
“Тээвэрлэлт, ложистикийн асуудал бол шийдвэрлэж болохуйц, прагматик асуудал. Та бүхэн Ази тивдээ Герман хэлээр ярьдаг хүний тоо харьцангуй өндөр, маш ардчилсан, чөлөөт нийгмийн тогтолцоотой, бусад оронтой дипломат, сайн харилцаатай, эрчим хүчний салбарыг сүүлийн үед ихэд чухалчлан хөгжүүлж буй манай оронд хөрөнгө оруулалт хийхийн ойрын бөгөөд алсын ашиг тусыг сайтар тооцох нь зүйтэй” гэдгийг П.Цагаан онцлон тэмдэглэлээ хэмээн Ерөнхийлөгчийн Тамгын газрын Олон нийттэй харилцах албанаас дамжууллаа.