Эрдэнэт хотод өнөөдөр Японы соёл урлагийн өдөрлөг болж байна. Өдөрлөгийн хүрээнд ямар арга хэмжээ зохион байгуулах талаар Япон улсаас Монгол Улсад суугаа Элчин сайдын гуравдугаар нарийн бичгийн дарга Аояма Дайсүкэгээс тодруулахад “Монголд анх удаа зохион байгуулагдах гэж буй энэ арга хэмжээг гурван жилийн өмнөөс хөгжиж буй залуу хот гэдэг утгаар нь Эрдэнэт хотод Японы урлаг, соёлын өдрийг зохион байгуулах талаар төлөвлөж байсан. Өдөрлөгийн хүрээнд япон кино, үндэсний наадам болох Го дам Орхон аймгийн иргэдэд толилуулахаас гадна Японы их, дээд сургуульд хэрхэн суралцах боломжуудын талаар танилцуулга, сургалт болно” гэсэн хариулт өглөө. Тус өдөрлөг маргааш үргэлжилэх юм.