Удирдлагын шинэ стандарт нэвтрүүлнэ | News.MN

Удирдлагын шинэ стандарт нэвтрүүлнэ

Хуучирсан мэдээ: 2010.09.17-нд нийтлэгдсэн

Удирдлагын шинэ стандарт нэвтрүүлнэ

Олон улсын чанарын удирдлагын ISO 9000, 9001 стандартуудыг Европын холбооны улсууд болон хөгжингүй орнуудын төрийн захиргаанд өргөн нэвтрүүлсэн байдаг. Энэхүү стандарт нь төрийн удирдлагын хэлбэр, тоо хэмжээнд бус чанарт нь анхаардгаараа онцлог. Дээрх стандартыг нэвтрүүлснээр төрийн захиргаанаас үйлчилгээ хүлээн авч буй нийт иргэдийн сэтгэл ханамжийг дээшлүүлж, төрийн байгууллагуудын үйл ажиллагааны үр дүнг бодитой сайжруулах ач холбогдолтой юм байна.

Монгол Улсын Засгийн газраас баталсан “Төрийн байгууллагад чанарын удирдлагын тогтолцоо ISO 9000, 9001 стандартыг хэрэгжүүлэх арга хэмжээний төлөвлөгөө”-г хэрэгжүүлэх зорилгоор Үндэсний хөгжил, шинэтгэлийн хороо өөрийн байгууллагын Чанарын удирдлагын хороог байгуулж, ISO 9000, 9001 стандартыг нэвтрүүлэхээр ажиллаж эхэлжээ. Одоогоор энэхүү стандартыг Монгол Улсад нутгийн захиргааны байгууллагуудаас Орхон аймгийн Засаг даргын Тамгын газар нэвтрүүлэхээр ажиллаж байгаа юм байна. Харин  төрийн захиргааны байгууллагуудаас Үндэсний хөгжил, шинэтгэлийн хороо анх удаа нэвтрүүлэхээр зорьж буй юм.

Д.Цээнэ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж