Монголын худалдаа, аж үйлдвэрийн танхимын Увс аймаг дахь сал­бараас зохион байгуулсан “Увс түншлэл-2010” үзэсгэлэн ху­дал­даа Улаангом хотод боллоо. Уг үзэсгэлэн худалдаанд 60 гаруй компани, хоршоо, биз­нес эрхлэгчид 35 сая шахам төг­рөгийн бүтээгдэхүүн дэлгэн үзүүлжээ. Энэ үеэр үзэсгэлэн оролцсон аж ахуйн нэгжүүд 18 сая шахам төгрөгийн бүтээгдэхүүн борлуулжээ. Тус үзэсгэлэн худалдааны тэр­гүүн байрын Гран при шагналыг Улаангомын Б.Хөхөө эзэнтэй “Хэт цах” хоршоо өөрийн олон төр­лийн ногоо, тэдгээрээр ургуулан хий­сэн бүтээгдэхүүнээр хүртлээ. 15 үзүүлэлтээр шалгаруулсан энэ үзэс­гэлэн худалдаанд оролцогчдын дун­даас энэхүү үзүүлэлтийг хангасан хүнсний бараа, эд бараа, сав баглаа боодол зэрэг 15 бүтээгдэхүүн алт, мөн ижил тооны бүтээгдэхүүн мөнгө, хүрэл медаль хүртлээ.